अर्को विश्वविख्यात सिगिङ रियालिटी शो नेपाल भित्रिदै

नेपाली टेलिभिजनहरुमा विश्वकै चर्चित र महंगा रियालिटी भित्रिने क्रमले बृद्धि पाइरहेको छ । केही समयअघि सम्पन्न नेपाल आइडलको चर्चा नसेलाउँदै त्यस्तै प्रकारको अर्को सिंगिङ रियालिटी सो ‘द भ्वाइस’ नेपाल भित्रिने संकेत देखिएको छ । विश्वकै चर्चित र महंगो रियालिटी शोमा गनिने ‘द भ्वाइस’लाई लक्ष्मण पौडेल र उनको टिमले नेपाल ल्याउन लागेको हो । पौडेल ‘नेपाल आइडल’का निर्देशक हुन् ।

‘नेपाल आइडल’ सम्पन्न गरे पश्चात एपी वान टेलिभिजन छोडेका पौडेलले सामाजिक सञ्जालमार्फत यो शो ल्याउन लागेको संकेत गरेका हुन् । ‘द भ्वाइस’का लागि औपचारिक सम्झौता भइसकेको बुझिएको छ । चाँडै पत्रकार सम्मेलन गरेर कार्यक्रमको बारेमा जानकारी दिने तयारी भइरहेको छ ।

यो रियालिटी शो अमेरिका, अफ्रिका, नेदरल्याण्ड, अष्ट्रेलिया, भारत लगायतका १९२ देशमा सफलतापुवर्क सम्पन्न भइसकेको छ ।