आज सरकार विस्तार हुने, मन्त्रिपरिषद् वैठक बस्दै

शिखरन्यूज, काठमाडौं, ११ फागुन – केपी ओली शर्मा ओली नेतृत्वमा रहेको सरकारको मन्त्रिपरिषद् बैठक  आज बस्ने भएको छ । आज बस्ने मन्त्रिपरिषद् वैठकले मन्त्रालयको नाम र मन्त्रालयको कार्यभार टुंग्याउने बताइएको छ ।

संघीय संरचना अनुसार अहिले भैरहेका ३१ वटा मन्त्रालय घटेर १७ वटा मन्त्रालय बनाउने तयारी भैरहेको छ । प्रधानमन्त्री तथा मन्त्रिपरिषद् कार्यालयबाहेक संघमा अर्थात केन्द्रीय सरकारमा १७ वटा मन्त्रालय राख्ने तयारी भएको छ । आज बस्ने वैठकले मन्त्रालयको नाम र कार्यभार टुंग्याउने बताइएको छ ।

प्रधानमन्त्री सचिवालयका अनुसार आजै सरकारले पूर्णता पाउन सक्ने बताइएको छ । दुई पार्टी बीच हिजो बागवण्डा लगाइएको छ । एमालेको भागमा १० र माओवादीको भागमा ७ मन्त्रालय परेको बताइएको छ । पार्टी एकता, सरकार विस्तार लगायत विषयमा छलफल गर्न एमाले स्थायी कमिटीको बैठक शुक्रबार बस्दैछ ।