आदेशको मागसहित सर्वोच्चमा रिट ,सीमा विवादमा आन्तरिम
सारांश
- काठमाडौं ।
- नेपालका तराई तथा भारतसँग सीमा जोडिएका दशगजा सम्बन्धी विवादलाई तत्काल रोक्नुपर्ने आन्तरिम आदेश माग गर्दै सर्वोच्चमा रिट दायर भएको छ ।
- अधिवक्ता यज्ञमणि न्यौपानेले सीमारेखा कोर्ने कार्य तत्काल नरोकेमा देशलाई अपूरणीय क्षति हुने तथा नेपाली भूमि अतिक्रमण भई गुम्ने र सीमा क्षेत्रका परिवार भूमि एवम् राष्ट्रविहीन हुने अवस्था सिर्जना भएकाले सर्वोच्च अदालत नियमावली २०७४ को नियम ४९ (१) अनुसार अन्तरिम आदेश जारी गरी पाऊँ भन्दै रिट दर्ता गराएका छन् ।
काठमाडौं । नेपालका तराई तथा भारतसँग सीमा जोडिएका दशगजा सम्बन्धी विवादलाई तत्काल रोक्नुपर्ने आन्तरिम आदेश माग गर्दै सर्वोच्चमा रिट दायर भएको छ ।
अधिवक्ता यज्ञमणि न्यौपानेले सीमारेखा कोर्ने कार्य तत्काल नरोकेमा देशलाई अपूरणीय क्षति हुने तथा नेपाली भूमि अतिक्रमण भई गुम्ने र सीमा क्षेत्रका परिवार भूमि एवम् राष्ट्रविहीन हुने अवस्था सिर्जना भएकाले सर्वोच्च अदालत नियमावली २०७४ को नियम ४९ (१) अनुसार अन्तरिम आदेश जारी गरी पाऊँ भन्दै रिट दर्ता गराएका छन् ।
अधिवक्ता न्यौपानेले उत्प्रेषण तथा परमादेशको माग गर्दै प्रधानमन्त्री तथा मन्त्रिपरिषदको कार्यालय, गृहमन्त्रालयलगायत ६ जनालाई विपक्षी बनाएका छन् ।
रिटमा सीमा क्षेत्रमा जग्गा विवाद समय समयमा भईरहेकोले नेपालको संविधानको धारा २७४ले नेपालको सीमा हेरफेर गर्ने अधिकार कसैलाई प्रदान नगरेको उल्लेख छ ।
रिटमा सो सम्बन्धमा विपक्षी निकायलाई ज्ञापनपत्र बुझाई ध्यानाकर्षण गराइएकोमा कुनै सुनुवाइ नभएको उल्लेख गरिएको छ ।
प्रतिक्रिया