साफकप २०१८ को प्रत्यक्ष प्रसारण एक्सन स्पोर्ट्स एचडीमा
सारांश
- काठमाडौं, २२ भदौ ।
- नेपालको पहिलो खेलसम्बन्धी च्यानल एक्सन स्पोर्ट्सले देशभित्र र देशबाहिर भएका खेलहरुलाई समेट्दै हरेक नेपालीहरुको घरघरमा पुराउँदै आएको छ ।
- भर्खरै सम्पन्न भएको फिफा विश्वकपलाई समेत प्रत्यक्ष प्रसारण गरेको एक्सन स्पोर्ट्सले “नेपालीले खेल्छ, नेपालीले हेर्छ” भन्ने नारासहित हाल भइरहेको साफ सुजुकीकप २०१८ लाई पनि प्रत्यक्ष प्रसारण गरिरहेको छ ।
काठमाडौं, २२ भदौ । नेपालको पहिलो खेलसम्बन्धी च्यानल एक्सन स्पोर्ट्सले देशभित्र र देशबाहिर भएका खेलहरुलाई समेट्दै हरेक नेपालीहरुको घरघरमा पुराउँदै आएको छ । भर्खरै सम्पन्न भएको फिफा विश्वकपलाई समेत प्रत्यक्ष प्रसारण गरेको एक्सन स्पोर्ट्सले “नेपालीले खेल्छ, नेपालीले हेर्छ” भन्ने नारासहित हाल भइरहेको साफ सुजुकीकप २०१८ लाई पनि प्रत्यक्ष प्रसारण गरिरहेको छ ।
दक्षिण एशियाका ७ वटा राष्ट्रहरु सहभागी यो प्रतियोगिता भदौ १९ गतेदेखि शुरु भएको हो । यो प्रतियोगिता भदौ ३० गतेसम्म चल्नेछ । प्रतियोगिताका सबै खेलहरु उक्त एक्सन स्पोर्ट्स च्यानल नम्बर १०५ र ९९१ मा एचडी पिक्चर क्वालिटीमा हेर्न सकिने छ ।
ग्राहकहरुको विश्वास र रुचिअनुसार भविष्यमा पनि नेपालभित्र र नेपालबाहिर हुने खेलहरुलाई प्रत्यक्ष प्रसारण गरिने कम्पनीले बताउँदै आएको छ । एचडी प्रविधि र क्लियर साउण्ड क्वालिटीमा प्रसारण गरिने खेलहरु ग्राहकहरुको पहिलो रोजाइमा परिरहेको कुरा पनि कम्पनीले जनाएको छ । “एक्सन स्पोर्टस्” च्यानल आएपछि नेपालीहरुले पनि आफ्नै नेपाली च्यानलमा नेपाली भाषामै राष्ट्रिय तथा अन्तर्राष्ट्रिय खेलहरु हेर्न मौका पाएका छन् ।
खेलको समय, तालिका र मिति हेर्नुहोस्
प्रतिक्रिया