उदयपुरमा पनि मनाईयो आदिवासी दिवस

गाईघाट साउन,२४ । आदिवासीहरुको बसाइ–सराइको अभियान’ भन्ने नाराका साथ विश्व आदिवासी दिवस ९ अगष्ट (२०७५ श्रावण २४ गते) विश्वभरि मनाइँदै छ ।  आदिवासी भन्नाले –‘प्रभुत्वशाली समाजभन्दा धेरै अलग र छुट्टै साँस्कृतिक र सामाजिक परिचय बोकेका समूह जसको चौतर्फी विकास हुन बाँकी रहेका समुदाय हो ।’

विश्व आदिवासी दिवसको अबसर मा प्रदेश १ को उदयपुर जिल्लाको सदरमुकाम  गाईघाटमा रहेको  सीटी हल मा आज विशेष कार्यक्रमको आयोजना गरिएको छ। बिहीबार मध्यान्ह निकालिएको र्‍यालिमा जनजातिहरु आ-आफ्नो भेषभुषामा सजिएर आएका थिय।उनीहरुले गाईघाट बजार मा आ-आफ्नो झाकी भेषभुषा सहित बजार परिक्रमा गरेका थिए ।

सीटी हल मा भएको कार्यक्रम मा जिल्ला तहका  आदिवासी जनजाति नेताहरु र अग्रज हरुले बोलेका थिए  उनीहरुले  गणतन्त्र, संघीयता, धर्म निरपेक्षता र समानुपातिक समावेशिको मुद्धा हामी आदिवासी जनजातिले उठाएको मुद्धा हो । हिजो यो मुद्दा नबोक्ने राजनीतिक पार्टीहरु आज संघीयता, धर्म निरपेक्षता, समानुपातिक प्रतिनिधित्व र गणतन्त्र स्वीकार गरेका छन् । यो हाम्रो जित हो हामीले केही नपाएको भन्नु हुँदैन । केही पाएका छौ ,पाएको ठाउँबाट संघर्षको थालनी गर्नुपर्छ भन्ने कुरा हरु राखेका थिए ।

प्रदेश १ को आन्तरिक मामिला तथा कानून मन्त्रालयले बुधबार सूचना जारी गर्दै  विश्व आदिवासी दिवसको अबसर पारेर आज २४ गते बिहीबार बिदाको घोषणा गरेको थियो ।