कंगना बनिन बलिउडकै महंगी हिरोइन, एक वायोपिक फिल्मका लागि २४ करोड भारु लिदै

बलिउड अभिनेत्री कंगना रनौटले आफ्नो जन्मदिनको अवसर पारेर राजनीतिज्ञ जयललिताको जीवनीमा आधारित फिल्ममा अभिनय गर्ने घोषणा गरेकी छन् । यो फिल्मको घोषणासँगै उनी फिल्ममा अभिनय गरेवापत सर्वाधिक पारिश्रामिक लिने बलिउड अभिनेत्री पनि बनेकी छन् । कंगना यो फिल्मका लागि २४ करोड पारिश्रामिक लिदैछिन् । हिन्दी र तमिल भाषामा निर्माण हुने यो फिल्मका निर्माणकर्ताले फिल्मको व्यवसायिक सफलताका लागि पुरा भरोसा जनाएका कारण यति पारिश्रामिक दिन अप्ठ्यारो नमानेको बुझिएको छ ।

दीपिका पादुकोणभन्दा दोब्बर पारिश्रामिक कंगनाको

कंगनाको पारिश्रामिक ११ करोड थियो । सिमरन र रंगुन फ्लप भएपछि उनले आफ्नो पारिश्रामिक घटाएकी थिइन् । तर हालै प्रदर्शित मणिकर्णिका हिट भएपछि भने उनले आफ्नो पारिश्रामिक बढाएकी छन् । यही क्रममा उनलाई जयललितामा आधारित बायोपिक फिल्मका लागि २४ करोड भारतीय रुपैया दिन लागिएको हो । यसअघि सर्वाधिक पारिश्रामिक लिनेमा दीपिका पादुकोण थिइन् ।