कतारी गृहमन्त्रालय र नेपाल प्रहरी बीच सम्झौता

कतारको दोहामा जारी राष्ट्रिय सुरक्षा र नागरिक रक्षा सम्बन्धी १२ औ अन्तराष्ट्रिय प्रदर्शनी अर्थात मिलिपोल कतार दुई हजार अठारको अन्तिम दिन नेपाल प्रहरी र कतारको गृह मन्त्रालय बीच एक आशयपत्रमा हस्ताक्षर भएको छ । बुधबार भएको आशयपत्रमा नेपाल प्रहरी र कतारी गृह मन्त्रालयले अपराध विरुद्ध सहकार्य गर्ने, तालिम सम्बन्धी पाठ्यक्रम तयार पार्ने र विभिन्न कार्यक्रम गर्ने उल्लेख छ । आशयपत्रमा कतारका सुरक्षा महानिर्देशक मेजर जनरल साद बिन जसिम अल खुलैफी र नेपाल प्रहरीका महानिरिक्षक सवेन्द्र खनालले हस्ताक्षतर गरेका छन् । नेपालसँगै कतारले मेक्सिकोसँग समेत सुरक्षा सम्बन्धी आशयपत्रमा हस्ताक्षर गरेको छ । कतारले मेक्सिकोसँग साइबर सुरक्षा, मनी लाउण्ड्रिंग र मानव तस्करी विरुद्ध सहकार्य गर्ने विषयमा सम्झौता गरेको हो ।