कुन प्रदेशमा कांग्रेसले कति जित्यो ?

१५३ प्रतिनिधिसभामा उम्मेदवारी दिएको कांग्रेसले २१ ठाउँमा मात्र जित हात पारेको छ । मतगणना भइरहेका सुनसरी ३, कन्चनपुर ३, सर्लाहीमा अमरेशकुमार सिंह, स्याङजामा गोपालमान श्रेष्ठ र राजु थापाले नजिते कांग्रेस २१ भन्दा माथि नचढ्ने देखिएको छ । मतगणनामा सुनसरी, कन्चनपुर र सर्लाही २ भने कांग्रेस थोरै मतले पछि छ । तसर्थ अब कांग्रेसले एकदुई सिट बढाउँने सम्भावना छ । नभए कांग्रेस १६५ मध्ये २१ मैं सीमित हुने भएको छ ।

कांग्रेसले दुई राप्रपालाई चारचारका दरले आठ, गोरखामा बाबुराम भट्टराई, अशोक राईलाई सुनसरी १, उपेन्द्र यादवलाई सप्तरी ३ सप्तरी २ र महन्थ ठाकुरलाई महोत्तरी ३ छोडेपछि १५३ प्रतिनिधिसभा उम्मेदवारी दिएको थियो । पहिलो चरणमा निर्वाचन भएका ३२ जिल्लाका ३७ क्षेत्रमा कांग्रेसले रसुवामा मात्र जित हासिल गर्यो ।

सात प्रदेशसमध्ये कांग्रेसले १ बाट चार, २ बाट ५, ३ बाट ५, ४ बाट १, ५ बाट ५ सांसद जित्यो । प्रदेश नम्बर ६ मा २४ प्रदेशसभा सदस्यमा एउटामात्र जितेको कांग्रेसले प्रतिनिधिमा एक सिट पनि जित्न सकेन । प्रधानमन्त्री एवं कांग्रेस सभापति शेरबहादुर देउवाले गृह जिल्ला डडेल्धुरामा १ सिट जिते तर, बाँकी १५ सिटमा कांग्रेस सिटविहीन बन्न पुगेको छ । यसमा कन्चनपुरको एक सिट थपिए दुई सिट हुनेछ ।

यी हुन् कांग्रेसले प्रदेशमा जितेका प्रतिनिधिसभा सदस्य

प्रदेश १
मोरङ २ – मिनेन्द्र रिजाल
सुनसरी ४ – ज्ञानेन्द्रबहादुर कार्की
सुनसरी २ – सिताराम मेहता
उदयपुर १ – नारायण खड्का

प्रदेश २
सिरहा १ – प्रदिप गिरि
रौतहट २ – अफताब आलम
रौतहट ४ – देवप्रसाद तिमल्सेना
सप्तरी ४ – तेजुलाल चौधरी
बारा १ – उमाकान्त चौधरी

प्रदेश ३
काठमाडौँ १ – प्रकाशमान सिंह
काठमाडौं ४ – गगनकुमार थापा
काठमाडौँ ६ – भीमसेनदास प्रधान
काठमाडौँ १० – राजन केसी
रसुवा – मोहन आचार्य
प्रदेश ४
नवलपुर १ – शशांक कोइराला
प्रदेश ५
रुपन्देही ४ – प्रमोदकुमार यादव
रुपन्देही ५ – भरत शाह
नवलपरासी २ देबेन्द्रराज कंडेल
बर्दिया १ – संजय गौतम
कपिलवस्तु ३ – अभिषेक प्रताप शाह
प्रदेश ६
शुन्य
प्रदेश ७
डडेल्धुरा – शेरबहादुर देउवा