‘कृ’को ट्रेलर सार्वजनिक, अनमोल केसी पुरै एक्सन अवतारमा
सारांश
- यस वर्षकै प्रतिक्षित मानिएको फिल्म ‘कृ’को ट्रेलर सार्वजनिक गरिएको छ ।
- ट्रेलरमा एकपछि अर्को सफल फिल्म दिदै आएका अनमोल केसी एक्सन अवतारमा प्रस्तुत भएका छन् ।
- काठमाडौँ, दरबामार्गस्थित क्यूज सिनेमा घरमा आयोजित कार्यक्रममा उक्त फिल्मको ट्रेलर सार्वजनिक गरिएको हो ।
यस वर्षकै प्रतिक्षित मानिएको फिल्म ‘कृ’को ट्रेलर सार्वजनिक गरिएको छ । ट्रेलरमा एकपछि अर्को सफल फिल्म दिदै आएका अनमोल केसी एक्सन अवतारमा प्रस्तुत भएका छन् । काठमाडौँ, दरबामार्गस्थित क्यूज सिनेमा घरमा आयोजित कार्यक्रममा उक्त फिल्मको ट्रेलर सार्वजनिक गरिएको हो । ट्रेलर सार्वजनिक कार्यक्रममा फिल्मका मुख्य कलाकार अनमोल केसी र अदिती केसी उपस्थित थिए । यसै फिल्ममार्फत फिल्मी क्षेत्रमा डेब्यू गरेकी अदिती मिडियामा पहिलो–पटक सार्वजनिक भएकी हुन् । फिल्ममा काम गर्दाको क्षण निकै रमाइलो भएको उनले संक्षिप्त प्रतिक्रिया दिइन् ।
रोमान्टिक लभर व्वाईको भूमिका निभाउँदै आएका अनमोललाई एक्सन फिल्ममा काम गर्दा पनि सहज र रमाइलो लागेको बताए । सुटिङको समय सेटमा १४, १५ घण्टा समेत लगातार बिताएको उल्लेख गर्दै उनले आफ्ना लागि हरेक फिल्म पहिलो जस्तो लाग्ने बताए । त्यसैले हरेक फिल्मका लागि आफुले कडा मेहनत गर्ने गरेको दावी समेत उनले कार्यक्रममा गरे । सुपर काजल फिल्म्स र सुबास इन्टरटेनमेन्टको संयुक्त व्यानरमा निर्मित ‘कृ’ माघ २६ गते देखि प्रदर्शन हुँदैछ । सुरेन्द्र पौडेलको निर्देशन रहेको फिल्ममा सुबास गिरी र भूवन केसी संयुक्त निर्माता हुन् ।
प्रतिक्रिया