क्षेत्रिय स्तरका वित्तीय संस्थालाई प्रदेश स्तरमा लैजान निर्देशन, चुक्ता पूँजीमा समेत हेरफेर

काठमाडौं, १५ पुस । नेपाल राष्ट्र बैंकले बैंक तथा वित्तीय संस्थालाई प्रदेश अनुसार वर्गीकरण गरेको छ । क्षेत्रिय स्तरमा संचालनमा रहेका बैंक तथा वित्तीय संस्थालाई प्रदेश अनुसार संचालन गर्न निर्देशन दिएको हो । प्रदेश अनुसार संचालन गर्न लागिएपछि चुक्ता पूँजीमा समेत हेरफेर गरेको छ ।

एउटै प्रदेशमा मात्रै शाखा विस्तार तथा कारोवार सञ्चालनका लागि विकास बैंकको चुक्ता पूँजी एक अर्ब २० करोड रुपैयाँ तोकेको छ । त्यस्तै फाइनान्स कम्पनीको चुक्ता पूँजी ५० करोड रुपैयाँ  छ । हाल संचालनमा रहेका जिल्लाहरु एकै प्रदेशमा नभएमा २०७७ असार भित्रमा उक्त शाखा विक्री, बन्द वा स्थानान्तरण गरी आफ्नो कार्यक्षेत्र एउटै प्रदेश भित्र सिमित गर्न राष्ट्र बैंकले निर्देशन दिएको छ ।

प्रादेशिक वा राष्ट्रियस्तरमा स्तरोन्नति हुने क्रममा चुक्ता पूँजी पूरा गर्ने प्रयोजनाका लागि गाभ्ने तथा गाभिने वा प्राप्तिसम्बन्धी कार्यलाई प्राथमिकता दिन समेत राष्ट्र बैंकले निर्देशन दिएको छ ।