चलचित्र कलाकार संघका अध्यक्षकाे निधनबारे प्रत्यक्षदर्शिकाे भनाइ यस्ताे छ

काठमाडाै, २३ असाेज । मंगलवार दिउँसोको ११ः२८ बजेको थियो । नेपाल चलचित्र कलाकार संघका अध्यक्ष राम केशर बोगटी एक कार्यक्रममा पुगेर ललितपुर टिकाथली स्थित घर फर्केका थिए । घर पुगेर आफुले लगाएको लुगा परिवर्तन गरि औपचारिक ड्रेसमै उनी अर्को कार्यक्रमको लागि तयारी गर्दै बाहिर निस्किए । घर नजिकै मन्दिर छ । मन्दिरकै छेऊमा खोलाको किनार र सँगै पिपलको तीन वटा रुख छ । ४ बर्ष अघि अध्यक्ष राम केशर बोगटीले वृक्षारोपण गरेका थिए ती पिपलको बोटहरु ।

४ बर्षमा हल्लकै बढेको पिपलको बोटले करेन्टको तारलाई असर गर्ने भएपछि उक्त रुख काट्न विहानै साथीभाईसँग सल्लाह गरि मान्छे लगाईएको थियो । पिपलको रुख बेचेर आएको पैसा मन्दिर संरक्षणको लागि दिने सल्लाह भएको थियो । खोलाको किनारमै रुख रहेकोले खोलाबाट रुखलाई व्यवस्थापन गर्ने कुनै संभावना थिएन । त्यसैले रुख काट्दा विजुलीको तारमा झर्ने संभावना भएकोले अधयक्ष बोगटीले नेपाल विद्युत प्राधिकरणमा फोन गरि विजुली केही समयको लागि बन्द गराईएको थियो ।

कार्यक्रम जान केही समय बाँकी हुदै गर्दा आफ्ले काट्न लगाईएको रुख काटेको हेरर जाऊ न भनेर उनले आफ्नो गाडीलाई नजिकै सडकको छेऊमा पार्किङ गरे । रुख भन्दा करिब २० मिटर पर उभिएर उनले हेरिरहेका थिए । एकोहोर रुखतिर हेरिरहँदा एउटा रुख खोला तिर लडिसकेको थियो । अन्दाजी मध्यान्हको १२ बजेर १३ मिनेट गएको थियो । अर्को रुख एक्कासी विजुलीको तारमा पर्यो । ट्रान्समिटर सहितको दुईटा सिमेन्टको पोल थियो । रुख तारमा पर्नेबितिकै पोल बाँचियो । अध्यक्ष बोगटी हलचल गर्न समेत पाएनन् । बाँचिएको पोल सहितको ट्रान्समिटर बोगटीको टाउकोमा बजारियो । पोलले पेटमा थिचियो ।

न त भाग्न सके बोगटी, न त ऐया भन्न पाए, एक्कासी टाउको क्षतविक्षत भयो । पेटको दुई ठाउँमा चिरियो । सबै जना मान्छेहरु जम्मा भए । प्रहरी आईपुग्यो । प्रहरीकै भ्यानमा उनलाई हतार हतार ललितपुर ग्वार्कोस्थित बि एण्ड बि हस्पिटलमा पुर्याइयो। तर उनलाई बचाउन सकिएन । घटना स्थलमै उनले संसार छाडिसकेका थिए । तर घटनास्थलमा रुवावासी र प्रत्यक्ष घटना देखिरहँदा दिमागले केही सोच्न सकिएन र १२ बजेर २८ मिनेटमा हस्पिटल ल्याइपुर्याएका थियौं । बि एण्ड बि हस्पिटलको आकस्मिक कक्षमा डक्टरहरुले उनलाई चेकअप गर्दैगर्दा खेरी उनको ज्यान गईसकेको थियो ।  भावुक हुदै अध्यक्ष बोगटीका छिमेकी प्रत्यक्षदर्शी काजी थापाले सुनाए ।

४ बर्ष अघि मन्दिर वरपर रुख रोप्नुपर्छ भन्दै बोगटी आफैले रोपेका थिए पिपलको बोटहरु । चार बर्ष पछि पिपलको बोट बढेर विजुलीको तारलाई असर गर्ने भएपछि रुख काट्न विहानैदेखी योजना बनाएका थिए बोगटीले । आफैले मान्छे खोजेर रुख काट्न लगाईएका थिए उनले । सहयोगको लागि मलार्ई पनि भनेका थिए उनले । तर जुन रुख उनले रोपे त्यहि रुखले उनको ज्यान लिन्छ भन्ने कल्पना पनि थिएन । नसोचेको घटना घट्यो –काजी थापाले थप कुरा सुनाए ।