जापानमा चम्कदै धादिङका केशब अधिकारी
सारांश
- धादिङ घर भएका केशब अधिकारी झन्डै २ दशक पहिले जापान छिरेका हुन ।
- उनी नेपालमा टुरिष्ट गाईड र ट्राभल एजेन्सिका संचालक थिए ।
- सानै उमेरदेखि बिदेशीहरुको संगतमा थिए उनी जतिबेला नेपालमा पर्यटकहरुको बाक्लो भिड हुने गर्थ्यो ।
धादिङ घर भएका केशब अधिकारी झन्डै २ दशक पहिले जापान छिरेका हुन । उनी नेपालमा टुरिष्ट गाईड र ट्राभल एजेन्सिका संचालक थिए । सानै उमेरदेखि बिदेशीहरुको संगतमा थिए उनी जतिबेला नेपालमा पर्यटकहरुको बाक्लो भिड हुने गर्थ्यो ।
१८–१९ बर्षको उमेरमा उनी जापानिज भाषा बुझ्ने भैसकेका थिए । सानैदेखि साहसि र मेहनति उनलाई माओवादि द्वन्दले जापानको यात्रा तय गरायो । जतिबेला धेरै ब्यवसायिहरु देश छोडेर हिड्ने परिस्थिति बनेको थियो । देशमा चन्दा आतंक र द्वन्दले ग्रस्त भइरहँदा उनी जापान हानिए ।
जापान पुगेपछि उनले झन्डै १ दशक देश नफर्कि दुख गरे । कहिले बेन्तो, कहिले बेड मेकिंग, कहिले गेम्बा त कहिले रेष्टुरेन्ट कुनै चाडपर्ब नभनि परिवारलाई समेत १० वर्ष नेभेटी काम गरेका उनले केहि समय पछि जापानको हाचिओजि शहरमा पहिलोपटक जापानिज रेष्टुरेन्ट संचालन गरेर आफ्नो ब्यवसायिक यात्रा सुरु गरे । ब्यवसाय बिस्तारै फस्टाउदै गयो सुरुमा पार्टनरसिपबाट गरेको ब्यवसाय पछि एक्ला एक्लै गर्ने सहमति अनुसार उनी अघि बढे ।
१ वाट ३ वटा जापानिज रेष्टुरेन्ट हुँदै उनले नेपालि समुदाय र नेपालीहरुसंग जोडिने हिसाबले बिबाह पार्टि, जन्मदिन पार्टि, सभा समारोह, बिभिन्न सांस्कृतिक कार्यक्रम गर्न मिल्ने खालको फराकिलो ठाँउ लिएर टोकियोको कामतास्थित चौतारो रेष्टुरेन्ट सचालनमा ल्याए ।
त्यसपछि उनी नेपालि समुदायमा पहिलेभन्दा धेरै घुलमिल र समय बिताउन थाले । अहिले उनको ३ वटा जापानिज र एउटा नेपाली रेष्टुरेन्ट संचालनमा छन् भने ट्राभल एजेन्सि र रियल स्टेटका साथै फुदोसानको काम पनि गर्ने तयारीमा छन् ।
उनले झन्डै २० जना जापानी र ४० जना नेपाली गरि ६० भन्दा बढिलाई प्रत्यक्ष रोजगारी दिइरहेका छन् । यता नेपालमा धादिङमै १० रोपनी जग्गामा माछा, बंगुर, रांगा, कुखुरा र खरायो पालनकेन्द्र खोलेर ३ जनालाई रोजगारी दिइरहेका छन् ।
उनलाई नेपालमै कृषिमा केही गरेर विदेशी आयात रोक्नुपर्छ भन्ने लाग्छ । त्यसैको आफैले पनि धादिङ कृषि फार्म खोलेको उनको भनाइ छ ।
उनी मनका पनि निकै धनी छन् । विगतमा बिश्वभरि फैलिएको कोरोना महामारीका वेला मलेशियामा रहेका नेपालीहरुको एउटा भिडियो हेरेपछि उनको मनले मानेन र ति नेपालीका उद्दारका लागि जापानको एनआरएनएमार्फत नगद रु ७ लाख सहयोग गरे र सबैलाई सहयोग गर्न अपिल पनि गरे । हालै चितवनमा रहेको चेपाङ बस्तिका लागि १ लाख जापानी यन पनि उनले सहयोग गरे ।
उनी अहिले रास्वपा पार्टीमा पनि आवद्ध छन् । नयाँ जोश र केही गरौ भन्ने उर्जा बोकेकाहरुलाई साथ दिन रास्वपामा आवद्ध भएको उनको भनाइ छ । विदेशी भूमिमा नेपालीहरु ब्यवसायिक रुपमा सफल हुनु र सयाँै जनालाई रोजगारि दिनु देश र सिंगो नेपालीहरुका लागि गर्बको कुरा हो उनको यो संघर्ष र सफलता सबै नेपालिका लागि प्रेरणा बनोस् ।
प्रतिक्रिया