जिविस रामेछापको गाडीमा राजनितिक दलका नेता, एलडिअोबाटै निर्वाचन आचारसंहिता उल्लङ्घन

फागुन २६, रामेछाप – जिल्ला विकास समिति रामेछापले निर्वाचन आचारसंहिता उल्लङ्घन गरेको छ । रामेछापका स्थानीय विकास अधिकारी दिनेशराज पन्तले निर्वाचन आचारंहिता विपरित जिल्ला विकास समितिको गाडीमा नेपाली काँग्रेसका नेता बोकेर योजना अनुगमन गर्न गएका छन् । रामेछापका प्रमुख जिल्ला अधिकारी सूर्यबहादुर खत्रीले स्थानिय निकायको निर्वाचनमा आचारसंहिता उलङ्घन गर्नेलाई कारवाहि गर्ने चेतावनी दिएपनि स्थानीय विकास अधिकारीबाटै आचारसंहिता उलङ्गन भएको हो ।

स्थानीय विकास अधिकारी पन्तले बा २ झ ५५६ नम्बरको जिल्ला विकास समितिको गाडीमा आज रामेछापको चनखु गाविसमा रहेका योजना अनुगमन गर्न भन्दै नेपाली कांग्रेस रामेछापका कोषाध्यक्ष कुमार श्रेष्ठ र क्षेत्र नम्बर २ का सभापति बिनोद कार्कीलाई लिएर गएका हुन् । निर्वाचन आयोगले सरकार, सरकारी स्वामित्वमा रहेका संस्था, स्थानीय निकाय, राजनीतिक दल तथा सञ्चार माध्यम लगायतलाई १०४ बुँदे आचारसंहिता जारी गरेपनि रामेछापका स्थानीय विकास अधिकारीले त्यसलाई अटेर गरेका छन् ।

यस विषयमा स्थानीय विकास अधिकारी पन्तले काँग्रेसका नेताहरु पनि चनखुकै भएकाले आफूसँगै आएको बताए । रामेछापका प्रजिअ खत्रीले भने निर्वाचन अचारसँहिता लागु भएकाले सरकारी गाडीमा राजनीतिक दलका मानिस चढाउन नमिल्ने भन्दै यस बिषयमा थप अनुसन्धान गर्ने र दोषि पाईए कारबाहीका लागि सिफारिस गर्ने बताए ।