टान निर्वाचन तयारी ‘विद्रोह नै विद्रोह’

काठमाडौं । नजिकिँदै गरेको ट्रेकिङ एजेन्सी एसोसियसन अफ नेपाल (टान) नेतृत्वको लागि तँछाडमछाड भइरहेको छ । नेतृत्वका आकांक्षीहरुले पनि आफ्नो प्रचार तिब्र पार्दै लगेका छन् ।

अध्यक्षका आकांक्षीहरुले प्रचारप्रसार तीब्र पारेपनि नेपाल कम्युनिष्ट पार्टी (नेकपा) भित्र जनजातीको विद्रोह छ भने कांग्रेसभित्र लोकतान्त्रिक समूहको विद्रोह रहेको पाइएको छ ।

विद्रोहको बीचमा स्वतन्त्र व्यवसायीक प्यानल बलियो हुने सम्भावना देखिएको छ । पदयात्रा व्यवसायमा चरम राजनीति भइरहेको स्वतन्त्र व्यवसायीहरुको आरोप पनि छ ।

स्रोतका अनुसार स्वतन्त्र व्यवसायीक प्यानलको नेतृत्व वरिष्ठ पर्यटन व्यवसायी मोहन लम्सालले गर्ने सम्भावना रहेको छ ।

लम्सालको प्यानललाई निटका असन्तुष्टी समूह, लोकतान्त्रिक समूह, बोधराज समूह, नुरुजङ्गको समूह, सिनियर व्यवसायीहरु, जनजाती समूह, समावेशी समूहले सहयोग गर्ने बताइएको छ । सोहीअनुसार भित्रि तयारी भइरहेको एक पर्यटन व्यवसायीले बताए ।

निर्वाचनमा ५ सय भोट राजनीतिक आस्थामा झर्ने भोट छ भने ८ सयदेखि एक हजार भोट स्वतन्त्र व्यवसायीहरुको रहेको आंकलन गरिएको छ ।

जसले स्तवन्त्र व्यसायीहरुको मन जित्छ यो समूहले चुनावको बाजी मार्ने प्रबल सम्भावना रहेको पाइएको छ ।

टान निर्वाचनको नतिजा आश्चर्यजनक परिणाम आउने सबैको अनुमान छ ।