डा. केसीको उपचारमा को छ ?
सारांश
- काठमाडौं, पुस २५ ।
- सर्वोच्च अदालतको मानहानी गरेको आरोपमा पक्राउ परेका प्राडा गोविन्द केसी अनशनकै क्रममा छन् ।
- डा.
काठमाडौं, पुस २५ । सर्वोच्च अदालतको मानहानी गरेको आरोपमा पक्राउ परेका प्राडा गोविन्द केसी अनशनकै क्रममा छन् । डा. केसीले अदालतमा भ्रष्टाचार भएको भन्दै प्रधानन्यायाधीश गोपाल पराजुलीको राजीनामा माग गर्दै सोमबार अनशन शुुरु गरेका थिए । अनशन स्थलबाट सोमबार साँझ ८ बजे डा. केसीलाई प्रहरीले पक्राउ गरेको थियो ।
सर्वोच्चमा अहिले डा. केसीको बयान सुरु भएको छ । उनको उपचारमा नेपाल प्रहरी अस्पतालकी प्रहरी निरीक्षक डा. पूजा खड्काको नेतृत्वको टोली खटाइएको छ ।
उक्त मुद्दामा हालसम्म कुन न्यायाधीशको इजलाश हुने भन्ने अहिलेसम्म टुंगो लागेको छैन । बयान सकिएपश्चात् करिब १ बजेतिर इजलाशको टुंगो लाग्ने अदालत स्रोतले जानकारी दिएको छ ।
सर्वोच्च अदालतले अदालतको अपहेलना मुद्दामा डा. केसीलाई पक्राउ गरी आज बिहान ९ बजे अदालतमा उपस्थित गराउन गृह मन्त्रालय र प्रहरी प्रधान कार्यालयलाई सोमबार आदेश गरेको थियो ।
प्रतिक्रिया