डा.बाबुराम भट्टराईमा एक्कासी किन जाग्यो प्रेम ?

काठमाडौं , ९ जेठ  । यतिबेला माओवाद र जनयुद्धको सबैभन्दा बढी मायाँ  कसलाई लागेको होला ? सीधा जवाफ आउछ शहीद परिवार, वेपत्ता परिवारहरुलाई । तर, होइन यतिबेला सबैभन्दा बढी ती शब्दको मायाँ बाबुराम भट्टराईलाई लागेको छ ।

माओवादी केन्द्र छोडेर हिंडेको झन्डै ३ बर्षपछि बाबुरामको कोमल हृदयमा यो मायाँ पलाएर थामिनसक्नु भएको छ । बाबुराममा यो मायाँ भन्ने कुरा जब प्रचण्ड नेतृत्वको माओवादी केन्द्र र केपीओली नेतृत्वको एमालेबीच एकीकरण भएर नेकपा गठन भयो अनि पलाएको हो ।

बाबुराम भट्टराई हरेक दिन प्रचण्डले माओवाद छोडेको, जनयुद्धको अपमान गरेको जस्तो तर्क गरिरहेका छन्, जबकि उनैले २०७२ असोज ६ गते छोडेर हिंडेका हुन् । माओवादी केन्द्रको परम्परागत मान्यता र नीति, कार्यक्रमबाट अगाडि बढ्न सकिदैन भनेर माओवाद, जनयुद्धको विरासत छोडेर नयाँ  शक्ति पार्टी गठन गरेका थिए । तर, अहिले उनै माओवादको प्रखर वक्ता देखिएका छन् । उनी हरेक ट्विटमा प्रचण्डले माओवाद छाडेकोमा प्रश्न गर्छन् ।

अनि पार्टी चलाउन नसकेर एमालेमा बुझाएको दाबी गर्छन् । जबकि उनी आफैले पार्टीको नेतृत्व सक्षम र सन्तुलितरुपमा चलाउन नसकेर देवेन्द्र पौडेलको नेतृत्वमा ठूलो समूह माओवादी केन्द्रमा फर्किएको थियो साँघु साप्ताहिकमा खबर छ । नया“ शक्ति पार्टी नै छिन्नभिन्न भएको छ । साथै, उनको पार्टीले पनि माओवाद मान्दैन् र जनयुद्धको विरासत पनि बोकेको छैन ।

वाम बुद्धिजीवी तथा बाबुराम भट्टराईका मित्र दीपेन्द्रबहादुर क्षेत्रीको भट्टराईलाई प्रश्न छ–‘‘बाबुरामजीले पार्टी चलाउन नसकेर प्रचण्डले पार्टी एमालेलाई बुझाए भनेर टिप्पणी गरेको पढियो । अनि उहाँले माओवादी र जनयुद्ध छोडेको भनेर चिन्ता गरेको पनि देखियो । तर, बाबुरामजी आफैले चाहिं के गर्नुभयो त खै ? अरुलाई आलोचना गर्दै गर्दा आफूले के गरें भन्ने कुरा हेर्न जरुरी हुन्छ ।