डीएसपी ले ‘वाकिटाकी’ले प्रहार गर्दा महिला घाइते

अस्बिन खड्का, ३० असार ।  झापा मा इलाका प्रहरी कार्यालयका डीएसपी टंक भट्टराईको कुटपिटबाट एक जना घाइते भएकि छन ।

भट्टराईको कुटपिटबाट झापा मेचीनगर ६ की एक महिला घाइते भएकी हुन ।

बिहिबार साँझ डीएसपीले ‘वाकिटाकी’प्रहार गर्दा स्थानीय लक्ष्मी आचार्य मिश्रको टाउकोमा चोट लागेको हो । घरमा आएर लछारपछार गर्दै टाउकोमा हिर्काए’, लक्ष्मीले भनीन् बीना कारण प्रहरीको कुटपिटबाट घाइते हुन पर्याे ।’

राति स्थानीय कमला ठाकुर र लाइमा वेगमबीच सामान्य विवाद पछि यो घटना घटेको थियो ।  उक्त घटनापछि लक्ष्मीका पति रविन्द्र मिश्रले प्रहरी गुहारेका थिए ।

प्रहरी समयमा नआएको भन्दै फोनबाट आक्रोश व्यक्त गरेपछि डीएसपीकै नेतृत्वमा आएको टोली लक्ष्मीमाथि जाइलागेको थियो । ‘फोन गर्ने मान्छे खोइ ? भन्दै घरमा छिरे’, लक्ष्मीले दुखेसो पोखिन्,‘श्रीमान्‌लाई नभेटेपछि मलाई लछारपछार पार्दै कुटपिट गरियो ।’लक्ष्मी स्थानीय मनिषा मेडिकलमा उपचार पछि घर फर्किएकी छन् । ‘टाउको दुखी रहेको छ सिटी स्क्यान गर्न पाएकी छैन’, लक्ष्मीले भनिन् ।

कुटपिट घटनापछि स्थानीय राजनीतिक दलका कार्यकर्ताहरु र लक्ष्मी को परिवार बीचको छलफलमा प्रहरीले घटना कसैलाई नसुनाउन र मिल्न दबाब दिएको थियो ।

डीएसपी भट्टराईले गल्ती स्वीकारेको लक्ष्मीका पति रविन्द्रले बताए । ‘प्रहरीबाट ज्यादती भएकै थियो’, रविन्द्रले भने,‘दबाबमा मिल्नुपऱ्यो ।