ताप्लेजुङ,इलाम,विराटनगर,प्यूठान,पञ्चेश्व,रुपन्देही को ताजा पारीणाम
सारांश
- ताप्लेजुङः फुङलिङ नगरपालिकामा एमाले अघि ताप्लेजुङको फुङलिङ नगरपालिकामा एक सय मत गन्दा एमाले अगाडि छ ।
- मेयरमा एमालेले ४५, कांग्रेसले ३६ र संघीय लिम्बुवान मञ्चले १३ मत ल्याएको छ ।
- यस्तै उपमेयरमा एमालेले ४३, माओवादी २५, राप्रपा १९ र नयाँ शक्ति पार्टीले मात्र १ मत पाएको छ इलाममा सिसी टिभी राखेर मतगणना सुरु इलाममा मतगणना सुरु भएको छ ।
ताप्लेजुङको फुङलिङ नगरपालिकामा एक सय मत गन्दा एमाले अगाडि छ । मेयरमा एमालेले ४५, कांग्रेसले ३६ र संघीय लिम्बुवान मञ्चले १३ मत ल्याएको छ ।
यस्तै उपमेयरमा एमालेले ४३, माओवादी २५, राप्रपा १९ र नयाँ शक्ति पार्टीले मात्र १ मत पाएको छ
इलाममा मतगणना सुरु भएको छ । बिहीबार बिहान सर्वदलीय बैठक बसेपछि इलामका १० वटै स्थानीय तहमा मतगणना सुरु भएको हो ।
४ नगरपालिका र ६ गाउँपालिका रहेको इलाममा मतपेटिका राखिएको ठाउँमा सिसी टिभी जडान गरिएको छ ।
प्युठानको झिमरुक गाउँपालिकामा राष्ट्रिय जनमोर्चाले अग्रता लिएको छ । झिमरुक गाउँपालिकाको वडा नम्बर १ को २ सय मत गन्दा राजमोका अध्यक्षका उम्मेद्वारले ७६, एमालेका उम्मेद्वारले ६५ र माओवादी केन्द्रका उम्मेद्वारले ३५ र नेपाली कांग्रेसका उम्मेद्वारले १६ मत पाएका छन् ।
यस्तै मल्लरानी गाउँपालिकामा एमालेका अध्यक्षका उम्मेदवारले १ सय ९१ र उपाध्यक्षका उम्मेदवारले १ सय ६४, राष्ट्रिय जनमोर्चाका अध्यक्षका उम्मेदवारले १ सय ३२ र उपाध्यक्ष उम्मेदवारले १ सय ३१, कांग्रेसका अध्यक्ष उम्मेदवारले १ सय २४ र उपाध्यक्ष उम्मेदवारले १ सय २३ तथा माओवादी केन्द्रका अध्यक्षका उम्मेदवारले ९५ र उपाध्यक्ष उम्मेदवारले १०० मत प्राप्त गरेका छन् ।
यस्तै सरुमारानी गाउँपालिकाको अध्यक्षमा एमालेका उम्मेदवारले ५ सय २७ मत ल्याएर अग्रता लिनुभएको छ । एमालेलाई माओवदीका उम्मेदवारले ३ सय ७१ मत सहित पछ्याई रहेको छ । त्यस्तै कांग्रेसका अध्यक्षका उम्मेदवारले ३ सय मत प्राप्त गरेका छन् । प्यूठानमा ७ वटा गाउँपालिका र २ वटा नगरपालिका रहेका छन् ।
बैतडीको पञ्चेश्वर गाउँपालिकाको वडा नं ६ मा राष्ट्रिय प्रजातन्त्र पार्टी प्यानलसहित विजयी भएको छ । वडा अध्यक्षमा राप्रपाका रामसिंह पुजारा २ सय ५६ मतसहित विजयी हुनुभएको हो । उहाँको निकटतम प्रतिद्वन्द्वी नेपाली कांग्रेसका इन्द्र भण्डारीले १ सय ८४ मत ल्याउनुभयो ।
यस्तै महिला सदस्यमा राप्रपाका सरस्वती पन्त भण्डारीले २ सय ४६, दलित महिला सदस्यमा शकुन्तला औजीले २ सय ४१, खुला सदस्यहरुमा राप्रपाकै गोविन्दसिंह भण्डारीले २ सय ९१ र कृष्णसिंह भण्डारीले २ सय ४१ मत ल्याएर विजयी हुनुभयो ।
यस्तै दशरथचन्द नगरपालिकामा राप्रपाले अग्रता लिएको छ । मुख्य निर्वाचन अधिकृतको कार्यालयले दिएको जानकारी अनुसार २ सय मत गणना भइसक्दा मेयर पदमा राप्रपाका पुष्करराज जोशी ‘लख्खाभाई’ले ८८, नेपाली कांग्रेसका नरेन्द्रसिंह थापाले ५१, नेकपा एमालेका देवदत्त भट्टले ३३ र नेकपा माओवादी केन्द्रका खीमानन्द भट्टले १० मत ल्याउनु भएको छ ।
यस्तै उपमेयरमा राप्रपाकी अम्बिकादेवी भण्डारीले ६४, नेपाली कांग्रेसकी मीना चन्दले ५८, नेकपा एमालेकी सरस्वती नेपालीले २४ र नेकपा माओवादी केन्द्रकी कमला कार्कीले १२ मत ल्याउनुभएको छ ।
प्रतिक्रिया