दीपेन्द्र र सीमा उत्कृष्ट मोडल

काठमाडौं । द फ्लीक मोडल्स २०२२ को उपाधी पुरुष तर्फ दिपेन्द्र सोनाम र महिला तर्फ सीमा श्रेष्ठले जितेका छन् । काठमाडौंमा सम्पन्न यो प्रतियोगितामा उत्कृष्ट मोडल घोषित हुँदै दुबैले जनही ५० हजार रुपैयाँ र ट्रफी जितेका छन् ।

नेपाली मोडलिङ क्षेत्रको प्रवद्र्धन तथा मोडल उत्पादनका लागि फोकस फेसनले यो प्रतियोगिता आयोजना गरेको जनाएको छ ।

कार्यक्रममा दीपेन्द्रले मिस्टर लिडरसीप, बेस्ट ड्रेस र मिस्टर फोटोजेनिकको उपउपाधि समेत हाँसिल गरेका छन् ।

महिला मोडलको उपाधि बिजेता गोरखाकी सीमाले यसअघि व्युटिसियन ट्यालेन्ट नेपाल २०१९ मा बेस्ट ड्रेस अवार्डको उपाधि जितेकी थिइन् । उनले यसपटक मुख्य उपाधिसँगै वेष्ट ड्रेस, फोटोजेनिक, लिडरसिप र बेस्ट टाक्सको उपाधि पनि हाँसिल गरेकी छिन् ।

यो प्रतियोगितामा सागर बस्नेत र अंकी सेती फस्ट तथा वेदान्त रञ्जित र सीमा गुरुङ सेकेण्ड रनरअप भएका छन्। त्यसै गरी वेदान्त रञ्जित र अंकी सेती मिस्टर र मिस ट्यालेन्ट, केविन श्रेष्ठ र सीमा गुरुङ मिस्टर र मिस क्याटवक, जेम्स दुनदास र अमिषा सुवेदी मिस्टर र मिस एटीट्युड, शरद करेन र स्वती यादव मिस्टर र मिस कन्फिडेन्ट घोषित भएका छन् ।

प्रतियोगितामा फोटोग्राफर राजभाइ सुवाल, मोडल दीपक घिमिरे, सिर्जना श्रेष्ठ, विशाल गुरुङ निर्णायक थिए । प्रतियोगिताको कोरियोग्राफी जयन सुब्बा मानन्धरले गरेकी थिइन् ।