दुबई पठाइदिन्छु भन्दै ठगी गरेको आरोपमा युवक पक्राउ
सारांश
- काठमाडौँ ।
- दुबई पठाइदिन्छु भन्दै तीन लाख ५ हजार रूपैयाँ ठगी गरेको आरोपमा एक युवक पक्राउ परेका छन् ।
- अर्धखाँची भूमिकास्थान नगरपालिका वडा- ५ घर भई हाल काठमाडौं महानगरपालिका-३२ बस्ने ३२ वर्षीय अशोक भट्टराई पक्राउ परेका हुन् ।
काठमाडौँ । दुबई पठाइदिन्छु भन्दै तीन लाख ५ हजार रूपैयाँ ठगी गरेको आरोपमा एक युवक पक्राउ परेका छन् । अर्धखाँची भूमिकास्थान नगरपालिका वडा- ५ घर भई हाल काठमाडौं महानगरपालिका-३२ बस्ने ३२ वर्षीय अशोक भट्टराई पक्राउ परेका हुन् ।
उनलाई काठमाडौं उपत्यका अपराध अनुसन्धान कार्यालयको टोलीले शुक्रबार बिहान नयाँ बानेश्वरबाट पक्राउ गरेको हो ।
उनीविरूद्ध अजयकुमार महतोले वैदेशिक रोजगार विभागमा उजुरी दिएका थिए । विभागबाट अपराध अनुसन्धान कार्यालयलाई पक्राउ गर्न पत्राचार गरेपछि पक्राउ गरिएको काठमाडौं उपत्यका अपराध अनुसन्धान कार्यालयको प्रवक्ता एसपी रविन्द्र रेग्मीले जानकारी दिए ।
उनलाई थप अनुसन्धान तथा कारबाहीका लागि वैदेशिक रोजगार विभाग ताहाचल पठाइएको एसपी रेग्मीले जानकारी दिए ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया