निजामती ऐन जारी गर्न प्रधानमन्त्री देउवालाई पत्र

काठमाडौं । अभिनेत्री बेनिशा हमालले यसअघि चलचित्र ‘ब्लाइन्ड रक्स’बाट नेपाल सरकारको राष्ट्रिय चलचित्र पुरस्कार जितेकी थिइन् । त्यसपछि मुलुकमा कोरोनाको कहर सुरु भयो । यी अभिनेत्रीले त्यसपछि भनेको जस्तो चरित्र पाइनन् ।

तर, यतिबेला यी अभिनेत्री नयाँ चलचित्र ‘प्रेमगन्ज’मा आपूmले निर्वाह गरेको भूमिकाबाट निकै आशावादी छिन् । विगतमा आपूmले निर्वाह गर्दै आएको भूमिकाभन्दा निकै फरक ब्लाइन्ड रक्सले जुन उचाइ दियो । आपूmलाई प्रेमगन्जको चरित्रले पनि फेरि एकपटक प्रभावशाली अभिनेत्रीका रूपमा चिनाउने विश्वास यी अभिनेत्रीको छ ।

यो चलचित्र आगामी भदौ ३ गतेबाट प्रदर्शनमा आउने भएको छ । चलचित्र प्रेमगन्जको तेस्रो गीत ‘समय’ शनिबार सार्वजनिक गरिएको छ । यो गीतबाट पनि अभिनेत्री बेनिशाले यतिबेला चर्चा पाएकी छन् । ओएसआर डिजिटलमार्फत सार्वजनिक गरिएको गीतमा बेनिशा हमाल, तेज गिरी, राइडर प्रशन र सुप्रिया खनालसँग प्रस्तुत भएकी छन् । प्रेम वियोगको गीतमा अभिनेत्री बेनिशा सशक्त रूपमा प्रस्तुत भएकी छन् ।

‘चलचित्र प्रेमगन्ज आफैंमा प्रेम कथामा आधारित चलचित्र हो । यो चलचित्रमा प्रेम र वियोगको मनोविज्ञानले निकै मार्मिक रूपमा प्रस्तुत गरिएको छ,’ चलचित्रप्रति निकै आशावादी रहेको पनि उनले बताएकी छन् ।

यो चलचित्रमा तेज र बेनिशाले युवा उमेरको ‘मैनाराजा’को भूमिकामा अभिनय गरेका छन् भने उनीहरूको टिनएजरको भूमिकामा प्रश्न र सुप्रिया प्रस्तुत छन् । ‘समय’ गीतलाई फिल्ममा कथावाचनका रूपमा प्रयोग गरिएको छ । यो फिल्मलाई परिच्छेद सेनले निर्देशन गरेका छन् ।

अभिनेत्री बेनिशाका अनुसार यो फिल्ममा दुई कालखण्डको प्रेमकथा देख्न सकिन्छ । सञ्जय लामाको छायांकन निकै राम्रो भएको पनि अभिनेत्री बेनिशाको कथन छ । यो फिल्ममा बेनिशासँगै नरेश पौडेल, रश्मी भट्ट, गीता अधिकारी, सञ्जोग रसाइली, प्रविन भट्टराईलगायतका कलाकारको अभिनय छ । अभिनेत्री सुरक्षा पन्तले अतिथि भूमिकामा आपूmहरूले साथ दिएको पनि बेनिशाले बताएकी छन् ।