निर्वाचन सारिए देश द्वन्द्वमा जान्छः बस्नेत

१० कात्तिक, भक्तपुर । नेकपा (एमाले) का युवा नेता तथा पूर्व उद्योग मन्त्री महेश बस्नेतले निर्धारित मितिमा नै प्रतिनिधि र प्रदेशसभाको निर्वाचन नभए देश द्वन्द्व जाने बताएका छन् ।

रफत सञ्चार क्लबले गरेको साक्षतकार कार्यक्रममा उनले बाम गठबन्धनबाट सरकार अतालिएरको धारणा राखे । उनले प्रदेश र प्रतिनिधिसभाको निर्वाचनपछि देश आर्थिक संबृद्धिमा जाने लागेको बेला मतपत्रको बिवाद निकालेर निर्वाचन रोक्न नहुने बताए ।

स्थानीय तहको निर्वाचनलाई आधार मान्दा भक्तपुरमा नेकपा (एमाले) ले प्रतिनिधिसभा तर्फ भक्तपुर क्षेत्र नं. २ प्रदेशसभा तर्फ सूर्यविनायक र चाँगुनारायण नगरपालिका क्षेत्र जित्ने दाबी उनको छ । उनले मध्यपुर थिमीमा एमाले र कांग्रेसको कडा प्रतिस्पर्धा हुने अनुमान गरे ।

नेता बस्नेतले प्रतिनिधिसभामा निर्वाचित भएपछि भक्तपुरलाई सम्बृद्ध बनाउने योजना आफूसँग भएको बताए ।