नेकपाकाे प्रदेश कमिटि सदस्य छानिए
सारांश
- काठमाडाै, ३ मंसिर ।
- नेताहरूबीच सहमति भएको छ ।
- त्यसलगत्तै स्थायी समिति बैठकबाट एकीकरणको बाँकी कामलाई गति दिने नेकपाको तयारी छ ।
काठमाडाै, ३ मंसिर । नेताहरूबीच सहमति भएको छ । त्यसलगत्तै स्थायी समिति बैठकबाट एकीकरणको बाँकी कामलाई गति दिने नेकपाको तयारी छ । ‘ बेलायत भ्रमणमा गएका वरिष्ठ नेता माधवकुमार नेपाल पनि ६ मंसिरको बैठकका लागि ३ मंसिरमै स्वदेश फर्कंदै छन् । एकीकरणका लागि गृहकार्य नपुगेको भन्दै पाँचपटकसम्म स्थायी कमिटी बैठक स्थगित हुँदै आएको छ ।पछिल्लोपटक १३ र १४ कात्तिकमा बोलाइएको बैठक स्थगित भएको थियो । एकीकरणको काममा ढिलाइ हुँदै गएकोमा नेता–कार्यकर्ता पंक्तिले नेतृत्वको आलोचना गर्नेक्रम बढ्दै जाँदा सचिवालय बैठकको नयाँ मिति तोकिएको हो ।
नयाँ मापदण्डबाट छानिए प्रदेश सदस्य
कार्यदलले प्रदेश कमिटी सदस्यहरूको नाम नयाँ मापदण्डका आधारमा तयार पारेको केन्द्रीय सदस्य विष्णु रिजालले जानकारी दिए । प्रदेश कमिटीमा सम्बन्धित प्रदेशका केन्द्रीय सदस्य र केन्द्रीय निकायका सदस्यहरू पदेन सदस्य हुनेछन् ।
त्यस्तै, तत्कालीन एमालेबाट यसअघि प्रदेश कमिटीमा रहेकाहरू, तत्कालीन जिल्ला अध्यक्ष र राष्ट्रिय परिषद् सदस्यहरू र पूर्वअञ्चल कमिटी सदस्यहरूलाई प्रदेश कमिटीमा समेटिएको छ । तत्कालीन माओवादीबाट भने केन्द्रीय कमिटी सदस्यमा छुटेका तत्कालीन पोलिटब्युरो र केन्द्रीय सदस्यहरू वरिष्ठताका आधारमा प्रदेश कमिटी सदस्यमा सिफारिसमा परेका छन् ।
पोलिटब्युरो गठनपछि कार्यविभाजनको तयारी
कार्यदलले पहिले पोलिटब्युरो गठनपछि मात्र केन्द्रीय कमिटी सदस्यको कार्यविभाजन गर्ने गरी गृहकार्य अघि बढाएको छ । जिल्ला इन्चार्ज, सहइन्चार्ज, क्षेत्रीय इन्चार्जहरू तोक्दा वरिष्ठ र कनिष्ठको समस्या आउन सक्ने हुँदा पोलिटब्युरो बनेपछि मात्र कार्यविभाजन प्रस्ताव अघि बढाउने गरी कार्यदलले नयाँ तयारी सुरु गरेको हो । पहिले पोलिटब्युरो बनेपछि मात्र केन्द्रीय सदस्यको कार्य्विभाजन गर्दा सिनियरलाई इन्चार्ज र जुनियरलाई सहइन्चार्ज तथा क्षेत्रीय इन्चार्जको जिम्मेवारी तोक्न सहज हुने स्थायी समिति सदस्य बेदुराम भुसालले बताए ।
कार्यदललाई केन्द्रीय सचिवालयले कार्यविभाजन प्रस्ताव तयार पार्न दिएको म्यान्डेटसमेत सच्याइएको छ । अध्यक्ष ओली र प्रचण्ड तथा वरिष्ठ नेता नेपालसँग कार्यदल सदस्यहरूले परामर्श गरेपछि पहिले पोलिटब्युरो गठनपछि मात्र कार्यविभाजन गर्ने गरी कार्यविधि सच्याइएको एक सचिवालय सदस्यले बताए । जिल्ला कमिटीको नेतृत्व र सदस्यका सन्दर्भमा पनि स्थायी समितिबाट नयाँ मापदण्ड तोकेर एकीकरणलाई पूर्णता दिने तयारी भइरहेको ती सदस्यले बताए । सिफारिस भएका कतिपय जिल्लाको नेतृत्वमा विवाद निम्तिएपछि वरिष्ठतालाई आधार मानेर जिल्ला एकीकरणलाई पूर्णता दिने गरी मापदण्ड बनाउने तयारी भएको ती सदस्यको भनाइ छ ।
प्रतिक्रिया