नेपाललाई जित्नैपर्ने दबाब, कप्तान विराज किर्तिमान नजिक !
सारांश
- काठमाडौँ, २१ भदौ ।
- बंगलादेशमा जारी साफ च्याम्पियनसिप फुटबलमा दोस्रो खेल अन्तर्गत बिहिबार नेपालले भुटानसँग भिड्दैछ ।
- पहिलो खेलमा हार व्यहोरेको नेपाल जित निकाल्न दबाब रहेको छ ।
काठमाडौँ, २१ भदौ । बंगलादेशमा जारी साफ च्याम्पियनसिप फुटबलमा दोस्रो खेल अन्तर्गत बिहिबार नेपालले भुटानसँग भिड्दैछ । पहिलो खेलमा हार व्यहोरेको नेपाल जित निकाल्न दबाब रहेको छ ।
मंगलबार भएको पहिलो खेलमा नेपाल पाकिस्तानसँग २–१ गोल अन्तरले पराजित भएको थियो । नेपाल रहेको समूह ए मा नेपाल सहित पाकिस्तान, भुटान र बंगलादेश रहेका छन् । भने समूह बि मा छ पटकको विजेता भारत, श्रीलंका र मालदिव्स रहेका छन् । दुवै समुहबाट उत्कृष्ट दुई टोलि सेमिफाईनल खेल्नेछन् ।
नेपालका कप्तान विराज महर्जन राष्ट्रिय किर्तिमानको नजिक रहेका छन् । उनी नेपाली फूटबल टिमको लागि सबैभन्दा बढि पटक मैदानमा उत्रिने खेलाडी बन्न लागेका हुन् । यतिबेला उनी आफ्नै पूर्व प्रशिक्षक राजुकाजी शाक्यको ६८ खेलको किर्तिमानसँग बराबरी गरिरहेका छन् । आज भुटानसँगको खेलसँगै उनको त्यो संख्या ६९ हुनेछ ।
कप्तान विराज महर्जनले नेपालको कप्तानी सम्हालेर १५ खेल खेलेका छन् । भने उनकै कप्तानीमा नेपालले तीन उपाधी पनि जितेको छ । विराजले नेपाललाई बंगबन्धु गोल्डकप र सोलिडारिटि कपको उपाधि दिलाएका थिए भने सन २०१६ को साग गेम्समा गोल्ड मेडल पनि जिताएका थिए । समग्रमा सफल कप्तानका रुपमा चिनिएका विराज आफ्नो करिअरको सुखद अन्त्य गर्न चाहन्छन् । त्यसैले पनि यो पटकको साफ च्याम्पियनसिप उनको लागि महत्वपूर्ण रहेको छ ।
प्रतिक्रिया