नेपाली सरकारी कर्मचारी भारतीय प्रहरीको फन्दामा !

उदयपुर, २३ वैशाख । उदयपुरको लिम्चुङबुङ गाउँपालिका का लेखापाल दिपेश भण्डारी र उदयपुर त्रियुगा नगरपालिका वार्ड नम्बर १० बस्ने श्याम मगर लाई भारतीय प्रहरीले पक्राउ गरेकाे छ ।

वैशाख १९ गते भारतको सिलगढीमा लागुऔषध खैरो हेरोइन सहित   दुबैजनालार्इ  भारतीय प्रहरी ले पक्राउ गरेको हाे ।

भारत सिलगुडी मा रहेका हाम्रा सहयोगी का अनुसार निजहरुको साथबाट नेपाली ४ लाख भन्दा बढि रकमको खैरो हेरोइन समेत पक्राउ गरिएको हाे । उनीहरुले नेपाल बाट नै गाडी रिजर्व गरी सिलगुडी आएको र उनीहरु को साथ रहेको गाडी पनि पक्राउ गरेको र पछी भारतीय प्रहरी ले गाडीधनी लाई गाडी फिर्ता पठाएकाे बताइएकाे छ ।

सो कुराको बारेमा जिल्ला प्रशासन कार्यालय उदयपुरले पनि लेखापाल दिपेश भण्डारी र श्याम मगर लागुऔषध खैरो हेरोइन सहित पक्राउ परेको जानकारी दिएको छ ।

गाउँपालिकका प्रमुख प्रशासकीय अधिकृत भक्त राईले बताए अनुसार लेखापाल भण्डारी घर बिदा मा भएकाले आफूलाई सो बिषय मा चासो नभएको तर लेखापाल लाई भारतमा पक्राउ गरेको छ भने सुन्न मा आएको बताए ।

जिल्ला प्रहरी कार्यालय उदयपुरका निमित्त प्रमुख डिएसपी मेघराज अधिकारीले झापा जिल्ला प्रहरी कार्यालयलाई सम्पर्क गरेर निजहरु पक्राउ  परेको तर थप पत्ता लगाउने काम भइरहेको बताए ।