पहिलो चरणमा भइरहेको प्रदेश तथा प्रतिनिधि सभाको निर्वाचन अन्तरगत पाँचथरमा जारी मतदानमा दिउँसो ३ बजेसम्ममा ५० प्रतिशत भन्दा बढी मत खसेको छ ।
हालसम्म निर्वाचन प्रकृया शान्तिपुर्ण सञ्चालन भइरहेको छ । जिल्ला निर्वाचन अधिकारी धुर्व राईले दिएकाे जानकारी अनुसार कुनै समस्या बिना अपरान्न सम्मको मतदान कार्य चलिरहेको छ ।
पाँचथरमा एक सय मतदान स्थलका एक सय ६५ मतदान केन्द्रमा बिहान ७ बजेबाट मतदान भइरहेको छ । केही मतदान केन्द्रमा सात बजे भन्दा पछि मतदान कार्यक्रम सुरु भएको भए पनि बाँकी क्षेत्रमा तोकिएको समयमा नै मतदान कार्य भइरहेको छ ।
पाँचथरमा भएको मतदानमा अघिल्ला निर्वाचनको तुलनामा नागरिकको सहभागीता कम भएको अनुमान गरिएको भए पनि त्यस्तो नभएको जिल्ला निर्वाचन कार्यालयले जनाएको छ ।
प्रतिक्रिया