प्रचण्ड-ओलीको गोप्य बैठक सकियोः गरे यस्तो सहमति, यी हुन् मुख्यमन्त्री

काठमाडौं, १४ माघ । नेकपा एमाले अध्यक्ष केपी ओली र माओवादी केन्द्रका अध्यक्ष प्रचण्डबीचको छलफल सकिएको छ । आइतबार बिहान १०.०० बजेदेखि दुई अध्यक्षद्वय ललितपुरको मानभवनमा छलफलको लागि बसेका थिए ।

ललितपुरको मानभवनमा झन्डै चार घण्टाको भेटवार्तामा सरकार गठन, पार्टी एकता र राष्ट्रियसभा निर्वाचनबारे छलफल भएको माओवादी केन्द्रका अध्यक्ष दाहालका प्रेस संयोजक मनहरि तिमिल्सिनाले जानकारी दिए।

सबै विषयमा छलफल चलाउँदै एकतालाई निष्कर्षमा पुग्न थप गृहकार्य गरिने बताइएको छ । छलफल सकारात्मक भएको बताइएको छ ।

ओली र प्रचण्डको बैठकले मुख्यमन्त्री र सभामुखको भागबन्डासमेत टुंग्याएको स्रोतले बताएको छ । शनिबार साँझको बैठकमा मुख्यमन्त्री मोटामोटी टुंग्याएपनि सभामुखमा कुरा मिलेको थिएन् ।

आजको गोप्य छलफलबाट प्रचण्ड र ओलीको गोप्य छलफलले प्रदेश नम्बर ३ मा एमालेकी अष्टलक्ष्मी शाक्य, प्रदेश नम्बर ४ मा पृथ्वीसुब्बा गुरुङ, प्रदेश नम्बर ५ मा शंकर पोखरेल, प्रदेश नम्बर ६ मा माओवादीका महेन्द्रबहादुर शाही र प्रदेश नम्बर ७ मा पनि माओवादकीकै वीरमान चौधरी मुख्यमन्त्री बनाउने सहमति भएको बताइएको छ ।

बिहान १० बजेदेखि चलेको दुई शीर्ष नेताको छलफल सकारात्मक रहेको बताइएको छ। सरकार गठनअघि पार्टी एकता गर्ने तयारी एमाले र माओवादीको छ।

आज बिहान ११ बजे बस्ने भनिएको एकता कार्यदलको बैठक दिउँसो सारेर गोप्य बैठक बसेका थिए ।

यो पनि पढढ्नुहोस्

आखिर ओली र प्रचण्ड कुन ठाउँमा बसेर गोप्य वार्ता गर्दैछन् ?