प्रदेश सांसद दीपक मनाङेलाई ५ वर्ष जेल सजाय
सारांश
- काठमाडौँ, २ माघ ।
- मनाङबाट प्रदेशसभा सांसदमा विजयी दीपक मनाङेलाई सर्वोच्च अदालतले ५ वर्ष जेल सजायको फैसला गरेको छ ।
- कर्तव्य ज्यानसम्बन्धी मुद्दाको सुनुवाई गर्दै पुनरावेदन अदालत पाटनले गरेको फैसलालाई सदर गर्दै सर्वोच्चले प्रदेश सांसद मनाङेविरुद्ध यस्तो फैसला सुनाएको हो ।
काठमाडौँ, २ माघ । मनाङबाट प्रदेशसभा सांसदमा विजयी दीपक मनाङेलाई सर्वोच्च अदालतले ५ वर्ष जेल सजायको फैसला गरेको छ । कर्तव्य ज्यानसम्बन्धी मुद्दाको सुनुवाई गर्दै पुनरावेदन अदालत पाटनले गरेको फैसलालाई सदर गर्दै सर्वोच्चले प्रदेश सांसद मनाङेविरुद्ध यस्तो फैसला सुनाएको हो ।
सर्वोच्च अदालतका न्यायाधीशहरु दीपकराज जोशी र पुरुषोत्तम भण्डारीको संयुक्त इजलासले मनाङेलाई ज्यान मार्ने उद्योगसम्बन्धी मुद्दामा ५ वर्ष जेल सजाय सुनाएको हो । सर्वोच्चको यो फैसलाले शपथग्रहण नै नगरी मनाङेको पद स्वतः निलम्बनमा परेको छ । उनीविरुद्ध पुनरावेदन अदालतले संगठित अपराध तथा अपहरण गरी बन्धक बनाएको भन्दै ज्यान मार्ने उद्योगको अभियोगमा ५ वर्ष जेल सुनाएको थियो ।
पुनरावदेनले ५ वर्षअघि गरेको जेल सजायको फैसलाविरुद्ध मनाङे सर्वोच्चमा गएका थिए । तर, सर्वोच्च अदालतको यो फैसलासँगै उनलाई पक्रने बाटो पनि खुलेको छ ।
प्रतिक्रिया
Tikaram Syangbo Tamang
good साला चाेर गुन्डा हरुलाई पाँज बर्श अज कम भयाे जन्म कईत हुनु पर्ने हाे