बालेन साहले यति धेरै भोट पाउनुको १० कारण

अहिले देशभर नै बालेन शाहको चर्चा छ । काठमाडौँ महानगरका मेयरका उम्मेदवार बने देखि नै चर्चामा रहेको बालेनले अहिले स्थानीय तहको निर्वाचन सकिएर भोट काउन्टिङ सुरु भए देखि नै आकर्षणको केन्द्र बनिरहेका छन् । बालेनले काठमाडौँमा मै हु भन्ने राजनीतिक दलहरुको पनि निन्द्रा हराम हुने गरि भोट पाइरहेका छन् । उनको अगाडि अहिले एमालेका केशव स्थापित र कांग्रेसकी सिर्जना सिंह निकै पछाडि छन् । बालेनले यति धेरै भोट पाउनुका १० कारणहरु यस्ता रहेका छन् ।

१. बालेन प्रतिको यो क्रेजको पहिलो अहिलेको राजनीतिक पार्टीहरुकै कारण भएको हो । वषौदेखि हामीमाथि शासन गर्दै आइरहेका यी पार्टीहरुले जनताले वाउ भन्ने गरि कहिल्यै काम गरेनन् । जुन कारण पनि जनता पार्टीहरुसँग निकै रिसाएका थिए ।

२. बालेन प्रतिको यो क्रेजको अर्को कारण हो दलहरुका ठूला ठूला सपना र आश्वासन । एमाले र कांग्रेसले काठमाडौँ महानगरमा अहिलेपटक यस्ता यस्ता सपनाहरु देखाए, जुन उनीहरुले भने जस्तो पुरा भएन । महानगरमा मेट्रो रेल, मोनो रेल जस्ता कति सपना बाँडिए तर ती कुनै पनि पुरा भएनन् । यो कारण पनि काठमाडौँका जनता पार्टीहरुसँग रुस्ट बने ।

३. राजनीतिक दलप्रतिको नकरात्मक सोच पनि बालेनको क्रेज बढ्नुको तेस्रो कारण हो । अहिलेको पूस्ता राजनीतिक पद्धतिप्रति पुरै नकरात्मक छ ।

४. जनताको इच्छा अनुसार पार्टीहरु चल्न नसक्नु बालेन क्रेज बढ्नेको चौथो कारण हो । पन्चायतको अन्त्य भई बहुदलिय व्यवस्थामा देश गए यता हाम्रा दलहरुले जनताले स्यावासी दिने गरी केही काम गरेनन् । त्यसैले पनि जनता यस्ता ढोगी र ठूला सपना मात्रै देखाउने पार्टीको विकल्प खोजिरहेका थिए ।

५. अब पाँचौ कारणको कुरा गरौ । हाम्रा राजनीतिद दलहरुको पद्धति हेर्यो भने पुरै भ्रष्टचारमा डुबेको छ । पार्टीका आसेपासेहरुलाई मोज छ भने जनताहरु सामान्य भन्दा सामान्य सुविधाबाट बञ्चित छन् । यो देखिरहेका कारण पनि जनताहरु अझ खासगरी काठमाडौँका जनताहरुले बालेनलाई विश्वास गरे ।

६. बालेनको व्यवहार पनि छैठौ कारण हो । बालेनले जब आफुलाई मेयरको उम्मेदवारको रुपमा चिनाए त्यसयता नै उनको व्यवहार पनि धेरैको नोटिसमा प¥यो । उनले कहिलै पनि अरुलाई गाली गरेनन् । जबकी यही विषयमा एमालेका केशव स्थापित र सुनिता डंगोलले उनलाई उडाउने काम गरे । तर बालेनले यही कुरालाई सजिलैसँग एन्सर दिएर अझ भोटरलाई आफुतिर आकर्षित गरे ।

७. मेयरको उम्मेदवार बन्ने घोषणा गरेसँगै बालेनले सुनाएका योजनाहरुका कारण पनि उनलाई धेरैले रुचाए । उनले हरेक पटक भने म काठमाडौँमा ठूला ठूला कुरा गर्न होइन, यहाँ भइरहेका विकास निर्माण र सुविधालाई म्यानेज गर्न चाहन्छु । उनको यही कुरालाई पनि यहाँका जनताले मज्जाले पत्याए ।

८. बालेनसँग भएको एक्स फ्याक्टर पनि उनले अहिले पाइरहेको भोटको कारण हो । बालेन स्ट्रक्चरल इन्जिनियर हुनु, शिक्षित हुनु र आफुले सोध्ने हरेक प्रश्नलाई राम्रोसँग टयाक्कल गरेर एन्सर दिन सक्ने खुबीका कारण पनि उनी यति धेरै पपुलर बनेका हुन् ।

९. बालेनको क्याम्पेनिङ पनि उनलाई जितको नजिक लैजाने अर्को कारण हो । सोसियल साइटको पावरलाई बालेनले यति मज्जाले क्यास गरेकी यो विषयमा अरु पार्टीहरुले सोच्नै भ्याएनन् । बालेनमा मोदी, केजरीवाल र अमेरिकी राष्ट्रपतिको क्याम्पेनिङको पनि राम्रो इन्फ्लुएन्स छ । उनको हरेक क्याम्पेनिङमा यो देखिन्छ । र, उनको यो स्टाइलले पनि निकै राम्रो काम गरेको छ ।

१०. बालेनले यति धेरै भोट पाउनुको अर्को कारण हो नेक्स्ट जेनेरेसनले उनीमाथि देखाएको विश्वास । काठमाडौँका धेरै युवा पूस्ता जसले अहिलेका पार्टीहरुको विकृति देखेर वाक्क दिक्क बनेका थिए उनीहरुले आफ्नो अभिभावकलाई बालेनलाई नै भोट हाल्न दवाव दिए । यही कारण पनि बालेनले अरुभन्दा धेरै भोट पाइरहेका हुन् ।

बालेनले यति धेरै भोट पाउनुको कारण यहि १० कारण हो । अहिलेको भोटको ट्रेण्ड हेर्ने हो भने काठमाडौँको मेयरको रुपमा बालेनको जित करिब करिब निश्चित छ ।