बोर्डिङ स्कुलले बढाएको शुल्क महानगरले खारेज गर्यो
सारांश
- काठमाडौं– काठमाडौं उपत्कामा चलेका बोर्डिङ स्कुलले बढाएको शुल्क महानगरपालिकाले खारेज गरेको छ ।
- निजी विद्यालयहरुले बढाएको शुल्क महानगरको शिक्षा समितिको वैठकले खारेजी गर्ने निर्णय गरेको छ।
- गत फागुन २० गते विद्यालय वर्गीकरण तथा शुल्क अनुगमन समितिले काठमाडौं उपत्यकामा सञ्चालित रहेका निजी विद्यालयमा नयाँ भर्नामा २७ प्रतिशत शुल्क बढाएको थियो ।
काठमाडौं– काठमाडौं उपत्कामा चलेका बोर्डिङ स्कुलले बढाएको शुल्क महानगरपालिकाले खारेज गरेको छ । निजी विद्यालयहरुले बढाएको शुल्क महानगरको शिक्षा समितिको वैठकले खारेजी गर्ने निर्णय गरेको छ।
गत फागुन २० गते विद्यालय वर्गीकरण तथा शुल्क अनुगमन समितिले काठमाडौं उपत्यकामा सञ्चालित रहेका निजी विद्यालयमा नयाँ भर्नामा २७ प्रतिशत शुल्क बढाएको थियो ।
महानगरका मेयर विद्याशुन्दर शाक्यको अध्यक्षतामा बसेको बैठकले विद्यालयले बढाएको शुल्क खारेज गर्ने निर्णय गरेको हो ।
वर्गीकरण तथा शुल्क अनुगमन समिति अवैधानिक भएको भन्दै निर्णय मान्य नहुने निर्णयसहित बढाइएको शुल्क खारेजी गरेको उपमेयर हरिप्रभा खड्गीले बताइन्।
विद्यालय शिक्षाको सम्पूर्ण व्यवस्थापन अधिकार स्थानीय सरकारलाई भएकाले पुरानो शिक्षा नियमावलीअनुसार निर्धारण गरिएको शुल्क कानुन विपरित भएको बताइन् ।
अब कार्यपालिकाले वैज्ञानिक ढंगले शुल्क निर्धारण गर्न महानगरका पदाधिकारीसहितको समिति गठन गर्ने जानकारी गराइन ।
प्रतिक्रिया