भारतद्वारा श्रीलंका ७ विकेटले पराजित

एजेन्सी– १२ औँ आईसीसी एक दिवसीय विश्वकप क्रिकेटमा भारतले श्रीलंकालाई सात विकेटले पराजित गरेको छ। टस जितेर पहिले ब्याटिङ गरेको श्रीलंकाले निर्धा्रित ५० ओभरमा सात विकेटको क्षतिमा २६४ रन बनाएको थियो। एन्जेलो म्याथ्युजले शतक प्रहार गरेपनि श्रीलंकालाई जिताउन सकेनन्।

१२८ बलको सामना गरेका उनले १० चौका र दुई छक्काको मद्दतमा ११३ रन जोडेका थिए। यस्तै लाहीरु थिरिमन्नेले ५३, धनन्जय डि शिल्भाले २९, अभिषेक फर्नाण्डोले २०, कुशल परेराले १८ र दिमुथ करुणारत्नेले १० रन जोडेका थिए। बलिङतर्फ भारतका जसप्रित बुमराहले तीन तथा हार्दीक पाण्ड्या, रविन्द्र जडेजा, भुवनेश्वर कुमार र कुलदीप यादवले एक–एक विकेट लिएका थिए।

२ सय ६५ रनको लक्ष्य पछ्याएर जवाफी ब्याटिङमा उत्रेको भारतले ४३ ओभर तीन बलमा तीन विकेटको क्षतिमा लक्ष्य भेटाएको हो। भारतका लागि ओपनरद्वय रोहित शर्मा र केएल राहुलले शतक प्रहार गरे। राहितले १ सय ३ रन बनाए भने राहुलले १ सय ११ जोडे। यस्तै कप्तान विराट कोहलीले ३४ रन बनाए।

यो पनि पढ्नुस्
एउटै विश्वकपमा ५ शतक बनाउने खेलाडी बने रोहित
एजेन्सी– इंग्ल्याण्ड र वेल्समा जारी १२ औँ आईसीसी एक दिवसीय विश्वकप क्रिकेटमा भारतका ब्याट्सम्यान रोहित शर्माले पाँचौ शतक प्रहार गरेका छन्।

उनले शनिबार भएको श्रीलंकाविरुद्धको खेलमा शतक प्रहार गर्दै एकै विश्वकपमा पाँच शतक पुरा गरेका हुन्। ९४ बलको सामना गरेका उनी १४ चौका र दुई छक्काको मद्दतमा १ सय ३ रन बनाएर आउट भएका छन्।

श्रीलंकाविरुद्धको शतकसँगै रोहितले एकै विश्वकपमा पाँच शतक प्रहार गर्ने पहिलो खेलाडीको रेकर्ड आफ्नो नाममा दर्ता गराएका छन्।

यसअघि एकै विश्वकप क्रिकेटमा सर्वा्धिक शतक बनाउने खेलाडीको रेकर्ड श्रीलंकाका कुमारा सांगाकाराको नाममा थियो। उनले सन् २०१५ को विश्वकपमा चार शतक बनाएका थिए।

यद्यपी गत मंगलबार बंगलादेशविरुद्धको खेलमा शतक प्रहार गर्दै रोहित शर्माले सांगाकाराको किर्तिमान बराबरी गरेका थिए।

शर्माले यसअघि दक्षिण अफ्रिका, पाकिस्तान, इंग्ल्याण्ड र बंगलादेशविरुद्ध पनि शतक प्रहार गरेका थिए।