मनाङ एयरको हेलिकोप्टर दुर्घटनामा एकै परिवारका पाँच जनाको निधन

काठमाडौं ।आज मंगलबार बिहान सोलुखुम्बुको लिखुपिकेमा हेलिकोप्टर दुर्घटना हुँदा एकै परिवारका पाँच जनाको ज्यान गएको छ । निधन भएका पाँचजना विदेशी नागरिक भएको खुलेको छ ।

मनाङ एयरको हेलिकोप्टर दुर्घटना हुँदा चालकसहित ६ जनाको निधन भएको थियो । निधन हुनेमध्ये पाँचजना मेक्सिकोका नागरिक थिए । प्रहरीको स्रोत अनुसार उनीहरु सबै एकै परिवारका भएको बताइएको छ ।

निधन भएका मेक्सिकन नागरिकहरु एभरेष्ट एक्सपेरिअन्स एन्ड एसिस्टेन्समार्फत खुम्बु क्षेत्रको अवलोकन गर्न गएका थिए । उनीहरु चढेको हेलिकोप्टर फर्कने क्रममा दुर्घटना भएको थियो ।

उनीहरु खुम्बु क्षेत्र अवलोकन गर्न आइतबार भारतको नयाँदिल्ली हुँदै काठमाडौं आएका थिए ।

मृत्यु हुने एकै परिवारका मेक्सिकोका नागरिकमा बाबु, आमा, दुई छोरी र एक छोरा रहेको पाण्डेले बताए । मृत्यु हुनेमा सिफुइन्तेस जी.फर्नान्डो, गोन्जालेज अब्रिक, गोन्जालेज ओलासिओ लुज, सिफुइन्तेस जी. मारिया जोस र रिनकोन इस्माअल रहेका छन् ।