मृगौला तस्करी गर्ने गिरोह पक्राउ
सारांश
- काठमाडाैँ , १४ साउन ।
- जिल्ला प्रहरी कार्यालय चितवनले फरक फरक स्थान र समयमा मृगाैला तस्कर गर्ने ५ जनालार्इ पक्राउ गरेकाे छ ।
- जिल्ला प्रहरी कार्यालय चितवनले गठन गरेकाे समूह मेडिकल रेस्पाेन्स टिम (एमअारटि) ले विशेष अनुसन्धान मार्फत उक्त गिराेहलाई पक्रेकाे हाे ।
काठमाडाैँ , १४ साउन । जिल्ला प्रहरी कार्यालय चितवनले फरक फरक स्थान र समयमा मृगाैला तस्कर गर्ने ५ जनालार्इ पक्राउ गरेकाे छ । जिल्ला प्रहरी कार्यालय चितवनले गठन गरेकाे समूह मेडिकल रेस्पाेन्स टिम (एमअारटि) ले विशेष अनुसन्धान मार्फत उक्त गिराेहलाई पक्रेकाे हाे ।
मेडिकल सिटीको रुपमा चिनिएको चितवन जिल्लामा स्वास्थ्य सम्बन्धी बिभिन्न अपराध हुन
सक्ने अवस्थालाई मध्यनजर गरी जिल्ला प्रहरी कार्यालय चितवनले मेडिकल रेस्पाेन्स टिम गठन गरी परिचालन गरेकाे थियाे । मानव स्वास्थ्यमा असर पार्ने आपराधीक गतिविधि नियन्त्रण गर्न, अशिक्षित, गरिवि र दुर्गम भेगका मानिसलाई बिभिन्न आर्थिक प्रलोभन देखाई तिनीहरुलाई भारतको दिल्लीमा लगी मृगौला झिकी बिक्रि गरी दिने र त्यस वापत कमिशन लिने जस्ता अपराधहरु नियन्त्रण गर्नु यो समूहको मुख्य उद्देश्य रहेको छ ।
पक्राउ पर्नेमा जिल्ला नुवाकोटका ४१ वर्षिय दुर्गा बहादुर दर्जी, रौतहट चन्द्रपुर न.पा.का ३५ वर्षिय बिक्रम पहरी, मकवानपुरका २८ वर्षिय प्रकाश तामाङ, मोरङ बयरबनका ३४ वर्षिय दिपक लिम्बु र
रसुवा उतरगया गाउँपालिकाका २८ वर्षिय बिशाल नेपाली रहेका छन् । उनीहरु साउन १ र ४ बाट चितवन र काठमाडाैँबाट पक्राउ परेका थिए ।
दुर्गा परियार बाहेक अरुले अन्य तस्करहरुको सम्पर्कबाट भारतको बिभिन्न अस्पतालहरुमा गई १/१ वटा मृगौला बिक्री गरेको र सोही क्रममा निजहरुले सोझासिधा तथा निमुखा सर्व साधारणहरुलाई प्रलोभनमा पारी भारतको बिभिन्न अस्पतालहरुमा सम्पर्क गराई मृगौला तस्कर गर्ने गरेको खुल्न आएको छ भने मृगौला बिक्री गर्ने मानिस खोजी सम्पर्क गराई दिए बापत एक जनाको मृगौला बिक्रीबाट रु.५०,०००/- देखि १,००,०००/- सम्म कमिशन लिने गरेको भन्ने प्रारम्भिक अनुसन्धानबाट खुल्न आएको छ ।
संलग्न अन्य व्यक्तिहरुको समेत खोजतलास भई रहेको छ । भने पक्राउ परेकाहरु माथि
मानव बेचबिखन तथा ओसारपसार नियन्त्रण ऐन २०६४ अन्तर्गत मुद्दा दर्ता गरी बिस्तृत
अनुसन्धान भई रहेको छ ।
प्रतिक्रिया