मोरङ र सुनसरीबाट लागुऔषधसहित २ जना पक्राउ

माेरङ, ९ असार।  प्रहरीले मोरङ र सुनसरीबाट लागुऔषधसहित २ जनालाई पक्राउ गरेको छ।
मोरङको बुढीगंगा गाउँपालिका ४ निमुवाबाट सुनसरी इँटहरी २ का कोसिस खड्का र दुहवी नगरपालिका ५ फुटबल चोकबाट धरान १६ का राजु तामाङलाई नियन्त्रणमा लिइएको हो।

खड्काको साथबाट एभिल, डाइल्याब, लुपिजेसिक लगायतका लागू औषध वरामद भएको इलाका प्रहरी कार्यालय निमुवाले जनाएको छ।

यसैगरी, विराटनगरबाट इँटहरीतर्फ जाँदै गरेको बस चेकजाँचका क्रममा पक्राउ परेका तामाङको साथबाट पनि डाइजेल्याब, लुपिजेसिक र एभिल लगायतका लागु औषध बरामद भएको हो। खुट्टामा सेतो टेपले बाँधेर लागु औषध लाएय्को पाईएको पाइएपछि उनलाई नियन्त्रणमा लिइएको इलाका प्रहरी कार्यालय दुहवीले जनाएको छ।

 मोटरसाइकल दुर्घटनामा परी १ को मृत्यु

झापाको शिवसताक्षी नगरपालिका–१ को पूर्व–पश्चिम राजमार्गमा मोटरसाइकल दुर्घटनामा परी मोटरसाइकल चालकको मृत्यु भएको छ ।

घाइते ३५ वर्षीय इन्द्रकुमार राईलाई उपचारका लागि बिर्तामोडस्थित बिएण्डसी अस्पताल लगिए पनि उनको उपचारकै क्रममा मृत्यु भएको इलाका प्रहरी कार्यालय झिलझिलेले जनाएको छ।