युक्रेनी विमानमाथि मिसाइल प्रहार (भिडियोसहित)
सारांश
- इरानमा दुर्घटनाग्रस्त युक्रेनी विमान मिसाइल हानेर खसालिएको भिडियो सार्वजनिक भएको छ ।
- भिडियोमा मिसाइलले विमानलाई मार हान्दा आगो लागेर खसेको देखिएको छ ।
- सीएनएनले सार्वजनिक गरेको भिडियोमा अध्यारो दृश्य देखिन्छ ।
इरानमा दुर्घटनाग्रस्त युक्रेनी विमान मिसाइल हानेर खसालिएको भिडियो सार्वजनिक भएको छ । भिडियोमा मिसाइलले विमानलाई मार हान्दा आगो लागेर खसेको देखिएको छ ।
सीएनएनले सार्वजनिक गरेको भिडियोमा अध्यारो दृश्य देखिन्छ । जसमा मिसाइलले विमानमा मार हानेको छ । तर, सीएनएनले भिडियोको स्वतन्त्र पुष्टि नभएको बताएको छ । भिडियो सार्वजनिक भएलगत्तै अमेरिकी विदेशमन्त्री माइक पम्पिओले विमान दुर्घटनामा ईरानमाथि आरोप लगाएका छन् । क्यानडाका प्रधानमन्त्री जस्टिन ट्रडीले पनि यसबारे धारणा बाहिर ल्याएका छन् ।
१७६ यात्रु र चालकदलका सदस्य मारिएको युक्रेनको विमान दुर्घटनाको कारणबारे विभिन्न आशंका उब्जिएको थियो । तेहरानबाट युक्रेनका लागि उडेको जहाज ईरान(अमेरिका बीचको तनावका बखत मिसाइल लागेर झरेको विषय बाहिर आएको थियो ।
बुधबार भएको दुर्घटनामा २४ सय मिटर उचाईमा रहँदा विमान सम्पर्क विच्छेद भएको थियो । यसैगरी, युक्रेनी राष्ट्रति भोलोडिमिर जेलेन्सिकीले फेसबुकमा इरानी अधिकारीको भनाई उदृत गर्दै एउटा इन्जिनमा आगो लागेपछि पाइलटको नियन्त्रणबाहिर विमान गएको लेखेका थिए ।(एजेन्सी
प्रतिक्रिया