रक गायिकाको अश्लिल प्रस्तुतिले हंगामा, लौरो लिएर घोच्न दर्शक चढे स्टेज (तस्विर)

आफुलाई रक गायिका भनेर चिनाउँदै आएकी सरस्वती लामाको हरेक प्रस्तुति प्राय चर्चामा आउने गर्छन् । गायकी कम तर अश्लिल हर्कत बढि हुने उनको कार्यक्रम हेर्नेहरुले लाउने आरोप हो । हुन पनि सरस्वतीका हरेक सांगीतिक गतिविधि यस्तै हुने गरेका हुन्छन् । उनले सामाजिक सन्जालमा राखेका भिडियो तथा फोटो हेरेरै अनुमान लाउन सकिन्छ, उनको प्रस्तुति कस्तो हुन्छ भनेर ।पछिल्लो पटक उनले दाङमा गरेको सांगीतिक कार्यक्रमले पनि सर्वत्र आलोचना पायो । हेर्दै निकै अश्लिल लाग्ने पहिरनमा सजिएकी लामाले गीत गाउने क्रममा गरेको शारिरिक हाउभाउ र अंग प्रदर्शन पनि हेर्नै नसकिने किशिमको भएको भन्दै दर्शकले सामाजिक सञ्जालमा आलोचना गरेका छन् । उनलाई फेसबुकमा गरिएका आलोचना निकै तल्लोस्तरको छ । जुन आम मानिसका लागि सामान्य लाग्दैन ।

‘उडि जाने हावाले’ गीतमार्फत गायक क्षेत्रमा छिरेकी सोलुखुम्बुकी सरस्वती लामालाई अन्तरवार्ता दिदा पनि यस्तै अश्लिल हर्कत गर्ने गरेको आरोप लाग्छ । उनले गर्ने कार्यक्रमहरुमा प्राय दर्शकको गुनासो हुने गर्छ ‘यस्तो स्वर भएकाले पनि किन गाउने रहर गरेको होला !’

सोमबार दाङमा उनले गरेको अंग प्रदर्शन र प्रस्तुति सारै भद्दा भएको भन्दै दर्शकले आलोचना गरे । कति दर्शक त उत्तेजित हुँदै उनलाई समाउन र लौरोले घोच्न पनि पछि परेनन् । कार्यक्रममा सहभागि भएका घोराहीका सन्तोष गैरेले यस्ता अश्लिल हर्कत र अंग प्रदर्शन गर्दै विकृति फैलाउने कलाकारलाई सामाजिक रुपमै बहिस्कार गर्नु पर्ने शिखरन्यूजलाई बताए । प्रहरी प्रशासनले पनि यस्ता कलाकारलाई कार्यक्रम गर्न रोक लगाउनु पर्ने उनको भनाई थियो ।