रोयल च्यालेन्जर्सद्वारा बेंगलुरु ५ विकेटले पराजित

काठमाडौं । आन्द्रे रसेलले तुफानी ब्याटिंग गरेपछि कोलाताका नाइट राइडर्सले शुक्रबार रोयल च्यालेन्जर्स बेंगलुरुलाई ५ विकेटले हराएको छ । २०६ रनको लक्ष्य पछ्याएको कोलकाताले ५ विकेट गुमाएर १९ ओभर १ बलमा लक्ष्य भेटायो ।

बेंगलुरुले जित्नै लागेको खेलमा त्यतिबेला टर्निङ भयो जब बेंगलुरुका बलर मोहम्मद सिराजले एकै ओभरमा दुई बिमर फालेपछि उनले आफ्नो ओभर पुरा गर्न पाएनन् । त्यतिबेलासम्म रसेलको ब्याट चुप थियो ।

सिराजले १८ औं ओभरको तेस्रो बल बिमर फालेका थिए जसमा रसेलले छक्का प्रहार गरे । त्यसपछि बलिंग गर्न आएका मार्कोस स्टोइनिसलाई रसेलले लगातार २ छक्का प्रहार गर्दै सो ओभरमा २२ रन जोडे ।

त्यसपछि पनि कोलकातालाई जितका लागि १२ बलमा ३० रन आवश्यक थियो । तर १९ औं ओभर गर्न आएका टीम साउदीलाई लगातार ३ छक्का त्यसपछि चौका र अर्को छक्का प्रहार गर्दै २९ रन बनाएपछि अन्तिम ओभरमा १ रनमात्र आवश्यक रह्यो ।

रसेलले १३ बलमा ७ छक्का र १ चौका प्रहार गर्दै नटआउट ४८ रन जोडे । रसेलले पहिलो ४ बलमा कुनै रन जोडेका थिएनन् । उनले पछिल्लो ९ बलमा ४८ रन जोडे ।

यसअघि पहिला ब्याटिंग गरेको बेंगलुरुले ३ विकेटमा २०५ रन बनाएको थियो । उसका लागि कप्तान विराट कोहलीले ८४ रन बनाएका थिए भने एबीडी भिलियर्सले ६३ रन बनाएका थिए । स्टोइनिसले २८ रन बनाएका थिए भे पार्थिव पटेलले २५ रनको योगदान दिएका थिए ।

लगातार पाँच खेल हारेपछि बेंगलुरुको प्लेअफमा प्रवेश गर्ने सम्भावना क्षिण भएको छ । शनिबार आईपएलमा दुई खेल हुनेछन् । पहिलो खेल चन्नई सुपर किंग्स र किंग्स एलेभेन पञ्जाव तथा दोस्रो खेल सनराईसर्ज हैदरावाद र मुम्बई इण्यिन्सबीच हुनेछ ।