लोकप्रिय गायक प्रकाश सपूतमाथि प्रहार, सामाजिक सञ्जालमा भिडियो भाइरल

काठमाडौं । चर्चित गायक प्रकाश सपूतले गीत गाउँदा गाउँदै बोतल प्रहार भएपछि स्टेज छोडेर भाग्नु परेको छ । आइतबार रोमानियाँमा आयोजित सांगीतिक कार्यक्रममा गीत गाउने क्रममा उनीमाथि बोतल प्रहार भएको हो ।

गायक सपूतमाथि बोतल प्रहार भएपछि प्रस्तुति छोडेर हिँडेको भिडियो अहिले सामाजिक सञ्जालमा भाइरल भएको छ । कार्यक्रममा उपस्थित एक दर्शकले बोतल प्रहार गरेको भिडियो अहिले सामाजिक सञ्जालमा छ्यापछ्याप्ती भेट्न सकिन्छ ।

यथार्थपरक वा नेपाली सांगीतिक क्षेत्रका ब्राण्डका रुपमा प्रख्याति कमाएका उनी पछिल्लो समयमा विवादित समेत छन् । उनीमाथि यथार्थताका नाममा अर्को पक्षमाथि लाञ्छना लाउने गरेको आरोपसमेत छ । उनले प्रकाशित गरेको सकम्बरी बोलको गीतमा महिलाहरुले सफलता पाउन बहुपुरुषलाई शरीर सुम्पिनु पर्छ भन्ने सन्देश प्रवाह गरेको छ ।