शंकास्पद अवस्थामा ४२ जना पक्राउ, गाँजा बरामद

काठमाडौं, मंसिर २२ – काठमाडौंको गोंगबुबाट शंकास्पद अवस्थामा लजमा बसेका ४२ जना पक्राउ परेका छन् ।

महाराजगञ्ज प्रहरीले शुक्रबार राति गोंबगु क्षत्रेका विभिन्न होटलबाट शंकास्पद अवस्थामा लजमा बसेका ४२ जनालाई पक्राउ गरेको हो ।

पक्राउ पर्नेमा होटल सञ्चालक पनि छन् । प्रहरीले चलाएको स्वीप अपरेशनका क्रममा उनीहरु पक्राउ परेका हुन् ।

बर्थ डे मनाउन भनी आएर २ वटा कोठा लिइ बसेका ९ जना किशोर किशोरीलाई पनि नियन्त्रणमा लिइएको छ । समूहको साथबाट गाँजा पनि बरामद गरिएको छ । उनीहरु मित्रनगरसिथ्त बाग्लुङ कालिका गेस्ट हाउसमा पक्राउ परेका हुन् ।

उनीहरु कक्षा ८ देखि ११सम्म पढ्ने १३ देखि १८ वर्षसम्मका छन् । उनीहरुमध्ये ७ छात्र र २ छात्र छन् । चेक प्वाइन्टबाट कागजत्र नभएका ५ वटा मोटरसाइकल, ७ वटा स्कुटर पनि बरामद गरिएको छ ।