संदीपले ४ विकेट लिएपनि नेपाल बंगलादेशसँग पराजित
सारांश
- काठमाडौं, १७ कार्तिक।
- अभ्यास खेलका लागि बंगलादेशमा रहेको नेपाली यु-१९ टिम पहिलो खेलमा बंगादेश यु – १९ सँग तीन विकेटले पराजित भएको छ।
- बिहीबार टस हारेर ब्याटिङ गरेको नेपालले निर्धारत ५० ओभरमा ९ विकेट गुमाउँदै १ सय ५३ रन मात्रै बनायो।
काठमाडौं, १७ कार्तिक। अभ्यास खेलका लागि बंगलादेशमा रहेको नेपाली यु-१९ टिम पहिलो खेलमा बंगादेश यु – १९ सँग तीन विकेटले पराजित भएको छ। बिहीबार टस हारेर ब्याटिङ गरेको नेपालले निर्धारत ५० ओभरमा ९ विकेट गुमाउँदै १ सय ५३ रन मात्रै बनायो। प्रतिउत्तर ब्याटिङ गरेको बंगलादेशले ३९ ओभरमा सात विकेट गुमाउँदै लक्ष्य प्राप्त गरेको थियो ।
एसिसि यु १९ युथ कपको तयारीको सिलसिलामा बंगलादेशको भ्रमणमा रहेको नेपाली टोलीले शनिबार र आइतबार थप दुई अभ्यास म्याच खेल्ने छ। प्रतियोगितामा आयोजक मलेसियासहित नेपाल, बंगलादेश र भारत सो प्रतियोगिताको समूह ए मा रहेको छ।
नेपाली खेलाडी संदीप लामिछानेले चार विकेट लिएपनि बंगलादेशलाई जीतबाट रोक्न पर्याप्त भएन। बंगलादेशी ओपनर नाइम शेखले ८ चौका मद्दतले ६५ बलमा ५३ रन बनाए। उनलाई लामिछाने आउट गरे ।
अर्को ओपनर पिनाक घोषले ९ बलमा १४ रन बनाए। अर्का बंगलादेशी ब्याट्सम्यान तोविद ह्रिदलीले ६६ बलमा अविजित ४८ रन बनाए। उनको एक छक्का र तीन चौका प्रहार गरेका थिए।
लामिछानेले अफिफ हुसैन र मोहम्मद रकिबलाई ३-३ रनमा आउट गर्दै टिमलाई खेलमा फर्काउने कोसिस गरेको थिए । उनले दुई ब्याट्सम्यानहरु शुन्यमा आउट भए। तर काजी इस्लामले १५ बलमा १८ रन बनाउँदै बंगलादेशलाई विजयी बनाए।
विकेट लिने अन्य नेपाली खेलाडीमा शहव अस्लाम र पवन सर्राफ रहे। उनीहरु दुवैले एक एक विकेट लिए।
खेलमा नेपालको शुरुवात राम्रो हुन सकेन। नेपालका सन्दीप सुनार एक रन बनाएर आउट भए तर अर्का ओपनर मोहम्मद असिफ शेखले ७७ बलमा ३२ रन बनाए। उनले तीन चौका प्रहार गरेका थिए। त्यसैगरी अनिलकुमार साह र कप्तान दीपेन्द्रसिंह ऐरीले १८ र १६ रन बनाए।
बाँकी दुई खेल शनिबार र आइतबार खेल्ने छ।
प्रतिक्रिया