सभामुख कृष्णबहादुर महरालाई घोराही उपमहानगरको भव्य सम्मान
सारांश
- काठमाडौं, ६ चैत ।
- सभामुख कृष्णबहादुर महरालाई घोराही उपमहानगरपालिकाले आज सम्मान गरेको छ ।
- घोराही उपमहानगर रहेको दाङ क्षेत्र नं.
काठमाडौं, ६ चैत । सभामुख कृष्णबहादुर महरालाई घोराही उपमहानगरपालिकाले आज सम्मान गरेको छ । घोराही उपमहानगर रहेको दाङ क्षेत्र नं. २ बाट प्रतिनिधिसभामा निर्वाचित भएका महरा सभामुखमा निर्वाचित भएपछि पहिलोपटक दाङ पुग्दा घोराही उपमहानगरले सम्मान गरेको हो ।
घोराही उपमहानगरपालिकाका प्रमुख नरुलाल चौधरीले आज भव्य समारोहबीच सभामुख महरालाई सम्मान गरेका हुन् । सभामुख निर्वाचित भएपछि महरा आज पहिलोपटक दाङ पुगेका हुन् । आज सभामुख महरा दाङ पुगेर विभिन्न सार्वजनिक कार्यक्रम र भेटघाटमा व्यस्त रहेका थिए ।
सभामुख महरा भोलि तुलसीपुर उपमहानगरपालिकामा सार्वजनिक कार्यक्रममा सहभागी भई पुनः घोराहीमा भेटघाटमा रहने छन् । चैत ८ गते बिहान नेपाल पत्रकार महासंघ दाङले आयोजना गर्ने स्वागत तथा सम्मान कार्यक्रममा सहभागी भई सोही दिन राजधानी फर्किने कार्यक्रम रहेको प्रेस संयोजक डिल्ली मल्लले जानकारी दिए ।
प्रतिक्रिया