सय दिनमा सांस्कृतिक संस्थानमा नसोचेको परिवर्तन हुन्छः महाप्रबन्धक राई
सारांश
- सांस्कृतिक संस्थान अर्थात राष्ट्रिय नाचघरको वर्तमान अवस्था सुधारका योजना, भविष्यका कार्यक्रम र रणनीतिबारे बुधबार छलफल गरिएको छ ।
- सत्यमोहन प्रेक्षालयमा आयोजित पत्रकार सम्मेलनमा बोल्दै संस्थानका महाप्रवन्धक अशोकप्यासी राईले व्यापक सुधार गरिने बताए ।
- सय दिनभित्र संस्थान प्रवेश गर्दा जोकोहीले परिवर्तनको महशुष गर्ने दावी महाप्रवन्धक राईले गरे ।
सांस्कृतिक संस्थान अर्थात राष्ट्रिय नाचघरको वर्तमान अवस्था सुधारका योजना, भविष्यका कार्यक्रम र रणनीतिबारे बुधबार छलफल गरिएको छ । सत्यमोहन प्रेक्षालयमा आयोजित पत्रकार सम्मेलनमा बोल्दै संस्थानका महाप्रवन्धक अशोकप्यासी राईले व्यापक सुधार गरिने बताए । सय दिनभित्र संस्थान प्रवेश गर्दा जोकोहीले परिवर्तनको महशुष गर्ने दावी महाप्रवन्धक राईले गरे ।
कार्यक्रममा बोल्दै महाप्रबन्धक राईले संस्थानले आयोजना गर्ने कार्यक्रममा मौलिकता र विविधता थप्दै चूस्त व्यवस्थापन र प्रस्तुति दिइने बताए । उनले संस्थानलाई आर्थिकरुपमा सवल बनाउने र डिजिटल शाखा खडा गर्ने आफ्नो योजना रहेको उल्लेख गरे ।
सरकारले घोषणा गरेको भ्रमण वर्षलाई लक्षित गरेर विविध सांस्कृतिक कार्यक्रम गर्ने र त्यस्ता कार्यक्रमहरुलाई टेलिभिजनमार्फत प्रशारण गर्ने योजना पनि संस्थानको रहेको छ । यसै वर्ष सातै प्रदेशमा प्रदेशस्तरीय सांस्कृतिक महोत्सव आयोजना गरिने पनि कार्यक्रममा बताइयो । सातै प्रदेशबाट एक एक उत्कृष्ट समूह छनौट गरी राष्ट्रिय लोक सांस्कृतिक महोत्सव आयोजना गर्ने महाप्रबन्धक राईले जानकारी दिए ।
कार्यक्रममा बोल्दै संस्थानका कार्यक्रम प्रमुख प्रभाकर देव शर्माले आफूहरुले नियम कानूनमा बसेर काम गर्ने प्रतिवद्धता जनाए । संस्थालाई प्राप्त बजेट निकै कम भएको उनको गुनासो थियो । संस्थानले विभिन्न कार्यक्रम आयोजना गर्न दिएर आम्दानी गर्न सक्ने भए पनि पार्किंगको अभावका संस्थान धेरैको रोजाईमा नपरेको शर्माको भनाई छ ।
संस्थानका अध्यक्ष प्रेमनाथ अधिकारीले संस्थाको ऋण धेरै भएकोमा चिन्ता व्यक्त गरे । विगतमा पनि संस्थानको सुधारका लागि थुप्रै योजना ल्याइएको तर विभिन्न कारणले रोकिने गरेको बताए ।
प्रतिक्रिया