सरकारविरुद्ध प्रदर्शनमा उत्रिएको नेविसंघ कार्यकर्तामाथी प्रहरीकाे लाठीचार्ज

काठमाडौं, १ साउन।  सरकारविरुद्ध प्रदर्शनमा उत्रिएको नेपाल विद्यार्थी संघका कार्यकर्तामाथि माइतीघरमा प्रहरीले लाठीचार्ज गरेको छ । माइतीघरमा प्रहरीले बनाएको बार तोडेर वानेश्वरतर्फ जान लाग्दा प्रहरीले लाठी र बुट हानेर भीडलाई तितरतबितर पारेको थियो ।

त्यस क्रममा नेविसंघ अध्यक्ष नैनसिंह महर, उपाध्यक्ष पुष्पकुमार शाही, महामन्त्री आनन्दराज त्रिपाठी  तथा नेविसंघ सिटीइभिटि का  सभापति बिष्णु महतारा उपसभापति लगायत करिब २० जना भन्दा धेरै घाइते भएकाे महताराले बताए  ।

महताराले भने सरकारले  सरकारले सर्वसत्तावादी चरित्र  देखाउन खाेजेकाे बिराेधमा हामिले र्याली निकालेका थियाैँ तर शान्तिपुर्ण र्यालीममा प्रहरीले दमन गर्याे ।’ घाइतेको वानेश्वरस्थित एभरेष्ट अस्पतालमा उपचार भइरहेको महताराले बताए । नेविसंघले जुम्लामा आमरण अनसनरत डा‍ गोविन्द केसीको जीवन रक्षाको पनि माग गरेको छ ।