सिन्धुपाल्चोकमा जीप दुर्घटना ५ को मृत्यु, ८ जना घाइते
सारांश
- काठमाडौं ।
- सिन्धुपाल्चोकको सल्लेडाँडामा जिप दुर्घटना हुँदा ५ जनाको मृत्यु भएको छ ।
- सिन्धुपाल्चोक पाँचपोखरी थाङपाल गाउँपालिका-४ सल्ले डाँडामा हिजो बेलुकी बोलेरो जीप दुर्घटना हुँदा ५ जनाको मृत्यु भएको हो भने ८ जना घाइते भएका छन् ।
काठमाडौं । सिन्धुपाल्चोकको सल्लेडाँडामा जिप दुर्घटना हुँदा ५ जनाको मृत्यु भएको छ । सिन्धुपाल्चोक पाँचपोखरी थाङपाल गाउँपालिका-४ सल्ले डाँडामा हिजो बेलुकी बोलेरो जीप दुर्घटना हुँदा ५ जनाको मृत्यु भएको हो भने ८ जना घाइते भएका छन् ।
मृत्यु हुनेमा पाँचपोखरी थाङपाल गाउँपालिका-३ की २५ वर्षीया सुनमाया तामाङ, ५३ वर्षीया नानी तामाङ, ५६ वर्षीया पोदोम तामाङ, ६० वर्षीया जयरानी तामाङ र ६५ वर्षीय भिम बहादुर तामाङको मृत्यु भएको प्रहरीले जनाएको छ ।
हिजो बेलुकी सवा ८ बजे मेलम्ची मानेखर्क सडकखण्डकको सल्लेडाँडामा लु १ ख ९९९ नम्बरको बोलेरो जीप अनियन्त्रित भएर सडकबाट करिब ४ सय मिटर तल खसेको थियो ।
दुर्घटनामा परी ३ जनाको घटनास्थलमै र २ जनाको उपचारको क्रममा मृत्यु भएको स्थानीय प्रहरीले जनाएको छ । दुर्घटनामा घाइते भएका ८ जनालाई प्राथमिक स्वास्थ्य केन्द्र मेलम्चीबाट थप उपचारको लागी शिक्षण अस्पताल महाराजगंज काठमाडौ ल्याइएको छ ।
प्रतिक्रिया