सिभिल अस्पतालका कर्मचारीहरूद्वारा रामकुमारी झाँक्रीमाथि अभद्र व्यवहार !

काठमाडौं, ३० साउन । काठमाडौंको नयाँबानेश्वरमा रहेको सिभिल अस्पतालका कर्मचारीहरूबाट सत्तारुढ दल नेपाल कम्युनिस्ट पार्टी ९ने। क। पा।०की सांसद एवम् नेतृ रामकुमारी झाँक्रीलाई अभद्र व्यवहार भएको छ । उपचारका लागि मंगलबार अस्पताल पुगेकी सांसद झाँक्रीलाई एक्सरेको रिपोर्ट लिने ठाउँका कर्मचारीले अभद्र व्यवहार गरेका हुन् । कार्यालय समयभित्रै एक्सरेको रिपोर्ट लिन पुगेकी नेकपाकी नेतृ झाँक्रीलाई आधा घण्टा ढिलो आएकी एक कर्मचारीले अभद्र व्यवहार गरेकी थिइन् ।
कार्यालय समयभित्र आफ्नो जिम्मेवारी छाडेर बेपत्ता भएका कर्मचारीले झाँक्रीलाई रिपोर्ट नै नदिइ खालिहात फिर्ता पठाइदिएका छन् । अस्पतालका कर्मचारीले सांसद झाँक्री मात्रै नभई रिपोर्ट लिन बसेका अन्य बिरामी र आफन्तलाई पनि अभद्र व्यवहार गरेका छन् ।

‘सिभिल अस्पताल मीनभवनको एक्स–रेको रिपोर्ट दिने ठाउँमा ४ः३० बजेदेखि म उभिएकी छु रिपोर्ट लिन, कोही मान्छे थिएन यहाँ’, नेकपाकी सांसद झाँक्रीले सामाजिक सञ्जालमा लेखेकी छिन्, ‘मसहित अरू २–४ जना रिपोर्ट लिने मान्छे छौँ । यी बहिनी कताबाट करीव ५ः०३ भएको थियो, देखा परिन् । हिजो हो एक्स रे गरेको । रिपोर्ट लिनु थियो भन्दै बिल उनीतिर तेर्साए मैले तर, उनले ५ बज्यो भोलि आउनुस् भन्दै झर्को फर्को गरिन् । मतिर हेर्दा पनि हेरिनन् ।’

सांसद झाँक्रीले अगाडि लेखेकी छिन्, ‘करीव १५–२० मिनेट उभिए । यिनले हामीलाई कुनै मतलब नै गरिनन् । भोलि बिहान (बुधबार)आउने गरी म फर्के । तर, सोँचे हेर त यो निजामती अस्पताल सेवा दिनुपर्ने ठाउँका स्टाफको व्यवहार रु हर ठाउँमा मानौँ मान्छेहरू शासक हुन् ? कहिले कसले कहाँबाट सुधारको आस गर्ने ?सिभिल अस्पताल मात्रै होइनन् अधिकांश सरकारी अस्पतालका कर्मचारी र चिकित्सकहरूको व्यवहारबाट बिरामी र उनीहरूका आफन्त पीडित छन् । नेकपाकी सांसद झाँक्रीलाई परेको यो पीडा सिभिल अस्पतालमा दिनहुँ सयौँ बिरामीले भोग्दै आएको गुनासो हुने गरेको छ ।