स्थानीय चुनाव : कञ्चनपुरमा प्रमुख पदमा ६ जना महिला

कञ्चनपुर, असार ५ – कञ्चनपुरका ९ वटा स्थानीय तहमध्ये तीन वटा तहमा प्रमुख पदमा साना दलबाट महिला उम्मेदवार बनेका छन् । राष्ट्रिय प्रजातन्त्र पार्टी, राष्ट्रिय जनमोर्चा, नेपाल कम्युनिष्ट पार्टी माले र नयाँ शक्ति पार्टीले महिलालाई प्रमुख पदमा उम्मेदवार बनाएका हुन् ।

भीमदत्त नगरपालिकामा राष्ट्रिय जनमोर्चाले मञ्जु दमाई परियारलाई मेयरको उम्मेदवार बनाएको छ । यस्तै, नयाँ शक्ति नेपालले माया नेगी र नेपाल कम्युनिष्ट पार्टी मालेले धौली मल्ललाई मेयर पदको उम्मेदवार बनाएको छ ।

त्यसैगरी महाकाली नगरपालिकामा राप्रपाले नन्दादेवी खत्रीलाई मेयर पदको उम्मेदवार बनाएको छ भने शुक्लाफाँटा नगरपालिकामा नयाँ शक्ति नेपालले कमला भट्ट र राप्रपाले कलावती ऐरलाई मेयरको उम्मेदवार बनाएको छ । तर, नेपाली कांग्रेस, नेकपा एमाले, नेकपा माओवादी केन्द्रलगायतका अन्य दलमा भने महिलालाई उपप्रमुख पदमा नै सिमित गरिएको छ ।

भीमदत्त नगरपालिका मेयर

राष्ट्रिय जनमोर्चा   – मञ्जु परियार
नयाँ शक्ति   – माया नेगी
नेपाल कम्युनिष्ट पार्टी माले  –  धौली मल्ल

महाकाली नगरपालिका मेयर

राप्रपा    – नन्दादेवी खत्री

शुक्लाफाँटा नगरपालिका मेयर

राप्रपा   – कलावती ऐर
नयाँ शक्ति    – कमला भट्ट