हतियार बुझ्ने क्रममा एकजना प्रहरी जवान घाइते

काठमाडाै, २७ असाेज । अर्काे सिपाहीको जिम्मामा रहेको हतियार बुझ्ने क्रममा अचानक पड्कँदा एकजना प्रहरी जवान घाइते भएका छन्। बुझबुझारथ गर्न लागेको पिस्तोल अचानक पड्कँदा जिल्ला प्रहरी कार्यालय  प्रहरी जवान नारायण थारु घाइते भएका हुन्। १८ असोजमा दंगा नियन्त्रिण प्रहरी गण रुपन्देहीबाट प्रहरी नायव निरीक्षक लौटन थारुको कमाण्डमा ११ जना थप मद्दत खटी आएको प्रहरी टोली शनिबार विहान रोल्पाबाट रुपन्देही  फर्कने क्रममा सो घटना भएको हो।

जिन्सी शाखामा हतियार बुझ्दै गर्दा कार्यरत प्रहरी हवल्दार खगेन्द्र सुनारले चेकजाँच गरी दंगा नियन्त्रण प्रहरी गण रुपन्देही दरबन्दीका थारुले हतियार बुझबुझारथ गर्दै थिए।सोही क्रममा अचानक टाईप ५४ को चालू हालतमा रहेको पस्तोल पड्किएको थियो। पिस्तोलको गोली थारुको बायाँ खुट्टाको चोरी औँलामा लागेको थियो। घाइते थारुलाई उपचारका लागि जिल्ला अस्पताल रेउघामा पठाईएको प्रहरीले बताएको छ।