३ महिना भित्र नेकपाको प्रदेश, जिल्ला र स्थानीय कमिटी बन्ने, खाका यस्तो बन्यो
सारांश
- काठमाडौं, २० जेठ- नेपाल कम्युनिष्ट पार्टी (नेकपा) सचिवालय वैठकले तल्लो तहका संगठनलाई समायोजनका लागि खाका तयार पारेको छ ।
- तीन महिना भित्र प्रदेश, जिल्ला र स्थानीय तहको कमिटी बन्नेगरी खाका तयार पारेको हो ।
- साविकका एमाले र माओवादी केन्द्रका जनवर्गीय संगठनलाई प्रदेश र गाउँ कमिटीसम्म समायोजन गर्नका लागि खाका तयार गरिएको हो ।
काठमाडौं, २० जेठ- नेपाल कम्युनिष्ट पार्टी (नेकपा) सचिवालय वैठकले तल्लो तहका संगठनलाई समायोजनका लागि खाका तयार पारेको छ । तीन महिना भित्र प्रदेश, जिल्ला र स्थानीय तहको कमिटी बन्नेगरी खाका तयार पारेको हो ।
साविकका एमाले र माओवादी केन्द्रका जनवर्गीय संगठनलाई प्रदेश र गाउँ कमिटीसम्म समायोजन गर्नका लागि खाका तयार गरिएको हो । सचिवालयले समायोजनाको खाका सहित ३ महिनाभित्र सबै तल्ला कमिटी र जनवर्गीय संगठनको एकता प्रक्रियाको काम गरिसक्न अन्तरपार्टी निर्देशन दिइसकेको छ ।
प्रदेश, जिल्ला, स्थानीय कमिटीमा एकता गरी कमिटी बनाउन अध्यक्ष, सचिव र सदस्यहरु रहने व्यवस्था गरिएको छ । प्रदेश कमिटीमा कम्तिमा १५१ जना, जिल्ला कमिटीमा कम्तिमा ७५ सदस्यीय हुने गरी व्यवस्था गरिएको छ ।
सचिवालयले तयार गरेको मापदण्डमा कमिटीमा कस्ता व्यक्ति ल्याउने भन्ने मापदण्ड समेत बनाएको छ । पार्टी र जनवर्गीय कमिटीको एकताका लागि सातवटै प्रदेशमा तत्कालीन एमालेबाट दुई र माओवादी केन्द्रबाट दुई सदस्य रहने गरी कार्यदल गठन गरिएका छन् ।
प्रतिक्रिया