सभामुख घिमिरेले आज पद तथा गोपनीयताको शपथ लिनुहुँदै, आजै पदभार सम्हाल्नुहुने
सारांश
- काठमाडौँ ।
- नवनिर्वाचित सभामुख देवराज घिमिरेले आज पद तथा गोपनीयताको शपथ लिनुहुने भएको छ ।
- राष्ट्रपति भवन शीतल निवासमा आज बिहान ११ः०० बजे राष्ट्रपति विद्यादेवी भण्डारीसमक्ष उहाँले पद तथा गोपनीयताको शपथ लिने कार्य तालिका छ ।
काठमाडौँ । नवनिर्वाचित सभामुख देवराज घिमिरेले आज पद तथा गोपनीयताको शपथ लिनुहुने भएको छ । राष्ट्रपति भवन शीतल निवासमा आज बिहान ११ः०० बजे राष्ट्रपति विद्यादेवी भण्डारीसमक्ष उहाँले पद तथा गोपनीयताको शपथ लिने कार्य तालिका छ ।
शपथ लिए लगत्तै उहाँ लैनचौरमा रहेको सहिल स्तम्भमा माल्र्यापण गर्न जानुहुने भएको छ । त्यसपछि साढे १२ बजे सिंहदरबारस्थित संसद् सचिवालयमा पुगेर उहाँले पदभार सम्हाल्ने कार्यक्रम छ ।
घिमिरे बिहीबारको प्रतिनिधिसभा बैठकबाट बहुमतका आधारमा निर्वाचित हुनुभएको थियो । दुई सय ६८ सांसद उपस्थित भएकामा उहाँले एक सय ६७ मत प्राप्त गर्नुभएको थियो । उहाँको विपक्षमा एक सय मत परेको थियो ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया