साताको अन्तिम कारोबारमा नेप्से सुधार
सारांश
- साताको अन्तिम दिन शुक्रबार धितोपत्र बजारमा नेपाल स्टक एक्सचेञ्ज (नेप्से) परिसूचक दोहोरो अङ्कले बढेको छ।
- नेप्से १२ दशमलव ९६ अङ्कले सुधार भई दुई हजार छ सय पचासी दशमलव ५४ अङ्कको उचाइमा पुगेर बन्द भएको छ।
- बजारमा ठूला कम्पनीहरूको कारोबार मापन गर्ने सेन्सेटिभ परिसूचक समेत दुई दशमलव ४४ अङ्कले बढेर ४७० दशमलव १३ को बिन्दुमा पुगेको छ।
साताको अन्तिम दिन शुक्रबार धितोपत्र बजारमा नेपाल स्टक एक्सचेञ्ज (नेप्से) परिसूचक दोहोरो अङ्कले बढेको छ। नेप्से १२ दशमलव ९६ अङ्कले सुधार भई दुई हजार छ सय पचासी दशमलव ५४ अङ्कको उचाइमा पुगेर बन्द भएको छ।
बजारमा ठूला कम्पनीहरूको कारोबार मापन गर्ने सेन्सेटिभ परिसूचक समेत दुई दशमलव ४४ अङ्कले बढेर ४७० दशमलव १३ को बिन्दुमा पुगेको छ। यसैगरी फ्लोट र सेन्सेटिभ फ्लोट सूचक पनि क्रमशः बढेका छन्।
आज बजारमा कुल ८८ लाख ५१ हजार दुई सय १६ कित्ता सेयर खरिदबिक्री भएका छन्। विभिन्न कम्पनीका यी सेयरहरू कुल तीन अर्ब पचहत्तर करोड ९७ लाख २२ हजार तीन सय चालीस रुपैयाँ बराबरको रकममा कारोबार भएका हुन्।
कारोबार भएका कुल १३ उपसमूहमध्ये ११ उपसमूहको परिसूचक बढेको छ भने दुई उपसमूह घटेको छ भने बाँकी दुई उपसमूहको सूचक मात्र ओरालो लागेको छ। समग्र बजारमा आज एक सय असी वटा कम्पनीका लगानीकर्ताले नाफा कमाउँदा ८२ कम्पनीका सेयरधनीले गुमाएका छन् भने १३ कम्पनीको मूल्य स्थिर रह्यो।
नेप्सेका अनुसार आज एभरेष्ट कलर लिमिटेड, लक्ष्मी भ्यालु फण्ड र जोशी हाइड्रोपावरका लगानीकर्ताले सबैभन्दा बढी नाफा आर्जन गरेका छन्। अर्कोतर्फ बोटलर्स नेपाल तराई, कालिञ्चोक हाइड्रोपावर र कर्पोरेट डेभलपमेन्ट बैंकका सेयरधनीहरू भने आजको बजारमा बढी गुमाउनेमा परेका छन्।
प्रतिक्रिया